وحید عمر: افغانستان له م.م. نه دي غوښتي چې د جنایتونو راپور نه خپروي

ملګروملتو په هغه راپور سترګه پټې کړې چې شورویان،تظیمونه او امریکایي پوځیان پکې پر زیاتیو تورن شوي وو.

د افغانستان حکومت هغه راپور رد کړ چې پراساس یې ویل شوي وو، د افغانستان ولسمشرله ملګروملتو غوښتي وو چې د ۱۹۷۸ او ۲۰۰۱ کلونو ترمنځ په دې هیواد کې د بشري حقونو د سرغړونو او زوزیاتیو په باب راپور خپور نه کړي.

د افغانستان حکومت وروسته له دې عکس العمل ښکاره کړ چې لي ټیمپس سویسۍ ورځپاڼې وویل چې ملګروملتو په هغه راپور سترګه پټې کړې چې شورویان،تظیمونه او امریکایي پوځیان پکې پر زیاتیو تورن شوي وو.

خو د افغانستان د ولسمشرویاند وحید عمر پرون وویل :«ملګروملتو د افغانستان له حکومت سره د دې موضوع په باب هیڅ رازتماس نه دی نیولی.»

هغه په عین حال کې وویل :«که ملګري ملتونه غواړي چې له خپل مرکزه کوم راپور خپور کړي او د افغانستان حکومت یې مخه نیولی شي، فکر کوم دا ملګروملتو ته یو ډول سپکاوی دی.»

سویسۍ ورځپاڼې لیکلي وو چې دا راپور په سیاسي دلایلو قصداً د ملګروملتو له لوري پټ ساتل شوی دی.

لي تيمپس (Le Temps ) سویسۍ ورځپاڼې ،چې د ملګروملتو د دې درې سوه مخیز سند کاپي یې ترلاسه کړې،ویلي:«په افغانستان کې د ۱۹۷۸ کال د اپریل(د ثورکودتا)او ۲۰۰۱ کال د دسمبر(پر افغانستان د امریکايی پوځیانو د حملې وخت) ترمنځ د شویو جنایتونو په اړه د ملګروملتو راپور په سیاسي دلایلو د ملګروملتو له لوري پټ وساتل شو.
د دې سویسۍ ورځپاڼې له مخې ټاکل شوې وه چې دا مشهورمستند راپور،چې یو کال کار پرې شوی او د ۲۰۰۴ کال په دسمبر کې بشپړ شوی،د ۲۰۰۵ کال په جنورۍ کې خپور شي.
ورځپاڼه وايي سره له دې چې دا راپور او اسناد په ټاکلي وخت خپاره نه شول ، وروسته نور راپورونه هم ترلاسه شوي خو هېر کړای شول.
په راپور کې په غیر منظم ډول د مختلفو وختونو زوزیاتي او ظلمونه په ډاګه شوي خو په مجموع کې د تشدد او زیاتیو هغه موارد پکې شامل دي چې د ۱۳۵۷ کال د ثور له کودتا(د ۱۹۷۹ اپریل) وروسته د شوروي تر یرغله اوبیا له تنظیمواکۍ رانیولې د امریکا په مشرۍ د نړیوال ايتلاف له لوري د طالبانو د رژیم تر نړولو پوري رسېږي.
د دې راپور په درو ترتیبوونکو کې یوه، لیکوال بارنِت روبین ،چې امریکايي دی، وویل چې ملګروملتو دا راپور د افغانستان د ولسمشرحامد کرزي په غوښتنه خپور نه کړ ځکه چې په هغه کې د داسي کسانو نومونه هم یاد شوي چې حاضردمه د افغانستان په اوسني حکومت کې شامل دي.
بارنت روبین وروسته فرانس پریس اژانس ته وویل چې په دې راپور کې نوي مطالب نشته بلکې ټول هغه مطالب او موارد نغښتل شوي چې تر دې مخکې خپاره شوي او د څه باندې یو کال لپاره په انترنت کې موجود وو.

کندهار: چاودنو دوه پوليس وژلي او نهه يي ټپيان کړي دي

نن ماښام اووه نيمي بجي د کندهار ښار په شپاړسمه امنتي حوزه کي د سرحدي پوليسو قوماندانۍ ته څيرمه چي د څلورمي حوزي سره يي ويش دى د پوليسو پر ګزمي دري چاودني وسوي که څه هم په لمړنو جزياتو کي چاودني پر بهرنيو سرتيرو ياديدلي خو د کندهار د والي وياند زلمى ايوبي وايي چي چاودني د سړک د غاړي ماينونه وو او په نوموړي سيمه کي دپوليسو د ګزمي پر ‌موټرونه سوي دي چي په ترڅ کي يي دوه پوليس وژل سوي او نهه پوليس چي يو يي ملکي وګړي دى ټپيان سوي دي . د پيښي مسووليت چا په غاړه نه دى اخستي

کندهار : شپږو تنو ملکي وګړو ته مرګ ژوبله واوښته

د کندهار ولايت مقام د مطبوعاتي د دفتر څخه لراوبر ته په رالېږل سوې خبرپاڼه کي راغلي چي تېره ورځ دخاکرېز ولسوالۍ د کارېزک په سيمه کي د ملکي وګړو يو موټر د سړک د غاړي پر يوه ښخ سوي ماين وخوت چي په پايله کي يې دوه تنه ملکي وګړي ووژل سول او دوې ښځي او دوه ماشومان ژوبل سول چي ژوبل سوي کسان د درملني په موخه سيميز روغتون ته وړل سوي . په خبرپاڼه کي د دې پيښي پړه پر وسله والو طالبانو اچول سوې خو تر دې دمه يې په اړه وسله والو طالبانو څه نه دي ويلي .

په کندهار محبس کي به يو عدلي او قضايي بلاک جوړ سي

په کندهار محبس کي به يو عدلي او قضايي بلاک جوړ سي . دغه خبره په هغه مجلس کي ياده سوه کوم چي تېره ورځ تر غرمې وړاندي د کندهار والي پوهنوال ډاکټر توريالي ويسا د کار په دفتر کي جوړه سوې وه او پکښي د کندهار والي تر څنګ په کندها رکي د ولايتي بيارغوني ټيم (PRT) مرستيال بيل هاريس او د امريکا هيواد د پوځ يوه هيئت ګډون کړى وو.
په دې غونډه کي د ولايتي بيارغوني ټيم مرستيال مشر بيل هاريس وويل چي د کندهار په لوى محبس کي به د عدلي او قضايې ځانګو د څارنوالانو لپاره په نږدې راتلونکي کي يو نوى بلاک جوړ کړي چي پر ټولو نړيوالو معيارونو به برابروي.
کندهار والي وويل چي د دې بلاک په جوړېدو سره به په لوى محبس کي تر ډيري کچي د عدلي او قضايي څانګو اړوند ستونزي حل سي او د زندانيانو څخه به همدلته څېړنه کيږي او محکمي ته د تګ مخه به يې نيول سوې وي .
او همدا ډول يې يادونه وکړه چي په عدلي او قضايي څانګو کي کندهاريانو وروزل سي چي په وينا يې د کندهار پر قضايي او عدلي برخو به مثبت تاثېرات واچوي.

د لوګر په ولايت كې د يوښوونځي د ودانۍ د بنسټ ډبره كيښوودل شوه

د نوموړي ښوونځي تعمير په پاخه او اساسی ډول په يوه پوړکی د ۴ مليونو افغانيو په مجموعى لګښت د نړيوال بانګ په مالى مرسته د ۶ مياشتو په موده كې جوړيږي، چې۸ درسی ټولګى، ۴ اداري خوني ۸ تشنابه، د احاطي ديوار او نور ضروري ملحقات لری.

تیره ورځ د روان كال تله د مياشتي په ۶ نيټه، د لوګر ولايت د محمد آغي ولسوالی د آب بازك د نجونو ابتدائيه ښوونځي د نوى ودانې د بنسټ ډ بره د نوموړی ايت د والي دګر جنرال عتيق الله لودين او د پوهنې رئيس عبدالمتين جعفر لخوا په داسى حال كې چې د سيمي قومي مشرانو، استادانو او شاګردانو ګدون درلود كيښوودل شوه.
د نوموړي ښوونځي تعمير په پاخه او اساسی ډول په يوه پوړکی د ۴ مليونو افغانيو په مجموعى لګښت د نړيوال بانګ په مالى مرسته د ۶ مياشتو په موده كې جوړيږي، چې۸ درسی ټولګى، ۴ اداري خوني ۸ تشنابه، د احاطي ديوار او نور ضروري ملحقات لری.
ياده دى وى چې د ياد شوي ښوونځي د تعمير په جوړه ولو سره به د نوموړي ښوونځي د زده كوونكو ستونزه د درسى ټولګيو د نشت والى له امله ليرى شى.

پاکستان:اکمالاتي لارې به خلاصي کړو

په ملګرو ملتونو کې دپاکستان سفير وايي پاکستان غواړي دناټو اکمالاتي لار چې په افغانستان کې ميشتو بهرنيانو ته اکمالات کيږي دامنيتي اديښنو له ختميدو سره بيا پرانيزي .
په واشنګټن کې دپاکستان سفير حسين حقاني ويلي دي چارواکو په امنيتي دلائلو دپولې دتړلو امر ورکړ.
نوموړى زياتوي خلک دامريکايي ځواکونو له لورې دپاکستاني عسکرو پر وژنه قهرجان وه .
دحقاني په وينا پاکستان پلان لري چې له امنيتي وضيعت ښه کيدو وروسته اکمالاتي قطارونو ته اجازه ورکړي .
پاکستان دتورخم لار وروسته له هغې وتړل چې دامريکايي ځواکونو چورلکو درې پاکستان سرتيري ووژل .
بهرنيوځواکونو ويلي دي چې دوى دخپلې دفاع په خاطر ياد بريد ترسره کړى دى .

بادغيس : د دوو طالب قوماندانانو د وژلو خبر ورکړل سو

لراوبر ته آى جې سي عامه پوهاوي د دفتر له لوري په رالېږل سوې خبرپاڼه کي راغلي چي په بادغيس ولايت کي يې دوه طالب قوماندانان وژلي . په خبرپاڼه کي راغلي چي ياد قوماندانان هر يو مولوي ګل محمد او ملا عبدالواحد نومېده او د شنبې په ورځ يې په دوو بېلابيلو فوځي عملياتو کي چي د دې ولايت په غورماچ ولسوالۍ کي يې ترسره کړي وژلى . په خبرپاڼه کي راغلي چي ملا ګل محمد د دې ولسوالۍ د طالبانو له لوري د وسله والو طالبانو د ولسوال د مرستيالۍ دنده په غاړه لرله او ملا عبدالواحد د طالب جنګياليو فوځي قوماندان و . په خبرپاڼه کي ويل سوى چي ياد دواړه قوماندان يې د استخباراتي معلوماتو پر بنسټ وژلي او هم د نوموړو قوماندانانو د نيولو په درشل کي وسله وال مقاومت سوى .

Follow

Get every new post delivered to your Inbox.

%d bloggers like this: