په نيمروز کې ايراني کتابونه نيول شوي دي

افغان چارواکو له ايران نه نيمروز ولايت ته په کتابونو بار يو لېږدېدوونکى گاډى نىولى او ضبط کړى يې دى .

چارواکي وايي نيول شوي کتابونه بې لارې کوونکي او د افغان کلتور خلاف دي .

د چارواکو په وينا په دې اړه د اطلاعاتو او کلتور وزارت له لوري يو کميسيون ټاکل شوى چې نيول شوي کتابونه وارزوي .

خو وزارت نيول شوي کتابونه د اسلام خلاف نه بولي او د نيولو په اړه يې خپله اندېښنه په ډاگه کړې ده .

افغانستان ته د ايراني چاپ شوو کتابونو د لېږد په وړاندې يو ډول محدوديتونه موجود وو، خو وروسته بيا دغه محدوديتونه ليرې او د تېر په څېرپه پراخه توگه په ايران کې چاپ شوي کتابونه افغانستان ته لېږدول کېدل .

خو په دې وروستيو کې يو وارې بيا افغانستان ته د دا ډول لېږدېدوونکو کتابونو د نيولو خبرونه ورکړل شول .

سليقوي چلند

 دقيقآ په دغه برخه کې زموږ سره سليقوي او سياسي چلند شوى دى، زه غواړم چې پوه شم ولې دغو وروڼو زما کتابونه ممنوعه شمېرلي دي، دا ډول کتابونه خو په افغانستان کې پرېمانه شته او پيدا کېږي .
ابراهيم شريعتي، د نيول شويو کتابونو څښتن

د نيمروز ولايت چارواکو دغلته له ايران څخه افغانستان ته ايران چاپ لېږدېدوونکي يوه کانتينر کتابونه په دې تور ونيول چې گواکي بي لاري کوونکي او د افغان کلتور خلاف دي .

خو د افغانستان د اطلاعاتو او کلتور مرستيال وزير دين محمد مبارز راشدي د دغه ولايت د ديني عالمانو پر شورا تور لگوي چې چې په نا مسولانه ډول دغه کتابونه نيولي او ضبط کړي،او دا چې له دوى سره يې په دې اړه هېڅ سلا مشوره نه ده کړې :

” له بده مرغه دلته په نا مسوله توگه دخالت شوى په دې مانا چې د نېمروز ولايت د عالمانو شورا د دغو کتابونو د ارزوني حق نه درلود،ځگه چې د اطلاعاتو او کلتور په وزارت کې له بهر څخه د لېږدېدوونکو کتابونو د ارزوني کميسيون لري او دا کار د دغه کميسيون دى .

خو متاسفانه چې زموږ د هيلو خلاف کار شوى دى،پر ديارلس ډول کتابونو چې د دوى نيوکه وه هغه به مو کمېسيون ته راجع کړي او پاتې شاوخوا ١٧٠ ډول نور يې زما په فکر هېڅ ډول مشکل نه لري”.

د نيول شوو کتابونو خاوند ابراهيم شريعتي وايي دا مني چې کتابونه يې په ايران کې چاپ شوي خو دا خبره چې گواکې نيول شوو کتابونه د افغان کلتور خلاف او بي لاري کوونکي دي، په کلکه ردوي .

ښاغلى شريعتي تور لگوي چې کتابونه يې له ده سره د سليقوي چلند له مخې نيول شوي دي .

د يو شمېر کسانو په وينا ايران هڅه کوي چې افغانستان ته د کتابونو د لېږد له لارې د دغه هېواد د خلکو پر کلتور خپل پراخ اغېز وشيندي .

”دقيقآ په دغه برخه کې زموږ سره سليقوي او سياسي چلند شوى دى ، زه غواړم چې پوه شم ولې دغو وروڼو زما کتابونه ممنوعه شمېرلي دي، دا ډول کتابونه خو په افغانستان کې پرېمانه شته او پيدا کېږي. ”

له څه مودې را هېسې د يو شمېر کړيو له لورې پر افغانستان کې د ايراني کلتور د يرغل خبره کېږي .

د يو شمېر کسانو په وينا ايران هڅه کوي چې افغانستان ته د کتابونو د لېږد له لارې د دغه هېواد د خلکو پر کلتور خپل پراخ اغېز وشيندي ،او يو شمېر نور بيا دليل وړاندې کوي چې په ايران کې ډيري چاپ شوي کتابونه د افغانانو د عقيدوي روحي ضد دي .

خو له دې هر څه سره سره له ايران څخه افغانستان ته ډېر ژباړل شوي او چاپ شوي کتابونه لېږدول کېږي چې د يو شمېر په گمان علمي ازښت يې ډېر لوړ وي .

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / بدلون )

Twitter picture

You are commenting using your Twitter account. Log Out / بدلون )

Facebook photo

You are commenting using your Facebook account. Log Out / بدلون )

Google+ photo

You are commenting using your Google+ account. Log Out / بدلون )

Connecting to %s

%d bloggers like this: