جان هټن: د ملامنصور وژنه طالبانو ته ستر ګذار دی

برتانوي ځواکونه وايي د افغانستان په جنوب کې يې د طالبانو يو جګپوړی قوماندان وژلی دی .

د دوی په وينا ملامنصور په هلمند ولايت کې د هليکوپتر په يوه بريد کې ووژل شو .

په هلمند کې پر برتانوي ځواکونو د بريدونو پړه پر ده اچوله کېږي .

په هلمند کې د برتانوي ځواکونو يوه وياند وويل ملامنصور د هغو بريدونو په پلانولو او عملي کولو کې ونډه درلوده، چې ښايي سلګونه افغانان، چې ډېر يې پوليس او ولسي وګړي وو، وژلي وي .

د برتانيا دفاع وزير جان هټن د ملامنصور وژل کېدل د طالبانو لپاره لوی ګذار بللی دی .

ښاغلي هټن وروسته له هغه دغه څرګندونې وکړې، چې هلمند ولايت کې برتانوي ځواکونو وويل چې دوی د طالبانو يو جګپوړی قوماندان ملامنصور او د هغوی يو شمېر نور مشران په هوايي بريدونو کې وژلي دي .

که څه هم برتانوي پوځيان د ملامنصور د وژل کېدو خبره کوي، خو د طالبانو يوه تن وياند قاري يوسف احمدي بي بي سي ته د تېلېفون پرکرښه د هغه وژل کېدل رد کړي دي .

د دفاع وزارت چارواکي وايي ښايي د ملامنصور وژل کېدل په يوه شپه کې ارامي رانشي وستلی .

دلته ريښتيا هم د احتياط لپاره خپل دليلونه شته، په تېر کې د طالبانو پروړاندې بريدونو په هلمند کې لنډ مهاله ارامي رامنځ ته کړې وه، خو د ياغيانو بريدونه يې بيخي له منځه نه وو وړي .

تېره مياشت د برتانوي ځواکونو لپاره تر ټولو خونړۍ وه .

دوی درې کاله وړاندې هلمند ته تر خپل راتګ وروسته په يوه مياشت کې خپل ١٢سرتېري له لاسه ورکړل، چې له دې سره يې په افغانستان کې د خپلو وژل شويو سرتېرو تر ١٦٠ واوښته .

Advertisements

ځواب دلته پرېږدئ

Fill in your details below or click an icon to log in:

WordPress.com Logo

You are commenting using your WordPress.com account. Log Out / بدلون )

Twitter picture

You are commenting using your Twitter account. Log Out / بدلون )

Facebook photo

You are commenting using your Facebook account. Log Out / بدلون )

Google+ photo

You are commenting using your Google+ account. Log Out / بدلون )

Connecting to %s

%d bloggers like this: