په بردير کې ولسي خلکو د طالبانو پر ضد وسلې را واخیستې

د پاکستان صدراعظم یوسف رضا ګیلاني وايي، ځان وژونکي بریدونه به د وسلوالو پر ضد د دوی عملیاتوکې هېڅ بدلون را نه ولي.
د پاکستان یوه لوړرتبه دولتی چارواکی د یکشنبی په ورځ وویل چی د پاکستان په شمال لویدیځ، یوې ناکراره سیمه کی په سلګونو ولسی وګړوپر هغووسله والوطالبانود حملی لپاره لاسونه سره یو کړل چی په وروستیو کی یی په سیمه کی پر یوه جومات خونړی ځان وژونکی حمله کړی وه.
دا اقدام د هغو وسله والو طالبانو پرضد د خلکو د ملی احساساتو څرګندونه کوي چې په سوات کې د پاکستان د پوځ د عملیاتو په عکس العمل کې یې ځان وژونکې حملې ډیرې کړېله بلی خوا په اسلام اباد کې د پرونی ځان وژونکی حملی وروسته چې دوه پولیس په کې ووژل شول، پولیس په دې ښار کې د تیارسۍ په حالت کې دی او د دې هیواد صدراعظم هم یوځل بیا ټینګار وکړ چې د دغسې حملو زیاتوالې به د طالبانو پرضد راوان پوځې عملیات کمزوري نه کړي.د بر دیر د چارو د همانګی مسول عاطف الرحمن وویل، د حیاګۍ په سیمه کې په یوه جومات کې د جمعې د ورځې د ځان وژونکې حملې په وړاندې چې په ترڅ کې یې په لسګونو لمونځ کونکي ووژل شول، د ۴۰۰ په شاوخواکې یوه ولسي لښکر، وسلو ته لاس کړ اود ګاونډي دوک درې په سیمه کې یې پر پنځو کلیو حملې وکړی.

هغه وویل، دغه ولسي وسله وال لښکر درې کلې نیولې اوهڅه کوي چې له دوو نورو کلیو څخه هم وسله وال طالبان وباسي. په دې عملیاتو کې لږ ترلږه ۴وسله وال طالبان وژل شوي او د ۲۰ په شاوخوا کې هغه کورونه هم وران شوې دي چې ګومان کیده طالبانو په کې ځانونه پټ کړي وو.

حکومت تردې وړاندې هڅه کړې وه، څو سیمه ییز خلک د وسله والو طالبانو پرضد په سیمه یزه اصطلاح لښکر جوړ کړي اووسلې ته لاس کړي.
رحمن وویل، دا یو مثبت پرمختګ دی چې ولس نن د طالبانو پرضد را پاڅیږی. دنوموړې په وینا دا حرکت به وسله وال طالبان کمزوري کړي.

بل خوا د وسله والو طالبانوله خوا د ځان وژونکو حملو لړۍ تر اسلام اباده رسیدلې. پرون د دې ښار په یوې ناحیه کې یوه ځان وژونکی چې هڅه یې کوله د پولیسو دیوه مرکزد ننه ځان والوزوی، د ودانی انګړ ته له ننوتو دمخه  دپولیسو په ډزو ووژل شوه. په دې پیښه کې دوه پولیس ووژل شول او شپږ نور ژوبل شول.

د ا ځان وژونکې بریدونه ښایي د هغه خبرداري نتیجه وي چې وسله والو طالبانو لس ورځې مخکې ورکړی و. دوی ویلې وو، که د پاکستان پوځ په سوات کې روان پوځې عملیات چې له پیله یې یوه میاشت تیریږی ونه دروي، د پاکستان په لویو ښارونو کې به حملو ته زور ورکړي.
تر اوسه د اسلام اباد د پولیسو د چټک غبرګون پر دې مرکز د دې حملې مسولیت چا په غاړه نه دی اخیستی.

په داسې حال کې چې پولیس په اسلام اباد کې د تیار سۍ په حال کې دي، د پاکستان صدراعظم سید یوسف رضا ګیلاني یوځل بیا ټینګار وکړ چې دا ډول حملې به دوسلوالو طالبانو پرضد پر روانو پوځي عملیاتو منفې اغیز ونه کړی.

د پولیسو یوه لوړرتبه چارواکي د فرانسې خبري اژانس ، د اسلام اباد پولیسو لوړ احظارات نیولي او له پرونۍ حملې وروسته موږ امنیتي تدابیر سخت کړي دي. دې چارواکی چی خپل نوم یې نه د ی څرګند کړی ويلي ، پولیس په موټرو کې ناڅاپی پلټنې هم ترسره کوي.
هغه وویل د دې حملې د عاملینو د موندلو لپاره ګډ عملیات پیل شوي او هیله من یو چې تورن کسان په څولنډو ورځو کې ونیسو.

له هغه مهاله راهیسې چې په سوات کې د اپریل د میاشتې په وروستیو کې دو سله والو طالبانو پر ضد پوځي عملیات پیل شوي، په پیښور، لاهور او دا دی په اسلام اباد کې د په لسګونو حملو او چادونو په ترڅ کې له سلو زیات کسان وژل شو ي دي.

د پاکستان د صدراعظم د دفتر له خوا په خپرې شوې اعلامیې کې سید یوسف رضا ګیلانی په اسلام اباد کې دا وروستۍ یوه تروریستی  حمله وبلله او یوځل بیایې ټینګار وکړ چې حکومت یې کلک تصمیم لري چې د سخت دریځو وسلوالو او تروریستانو ګواښ له مینځه یوسي او زیاته یې کړه دا ډول پیښې په هیواد کې د تاوتریخوالي د پای ته رسیدو لپاره د حکومت ژمنې نه شي کمزورې کولی .

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / بدلون )

Twitter picture

You are commenting using your Twitter account. Log Out / بدلون )

Facebook photo

You are commenting using your Facebook account. Log Out / بدلون )

Google+ photo

You are commenting using your Google+ account. Log Out / بدلون )

Connecting to %s

%d bloggers like this: