قبائيلي لښکرو هغه کلي ، چې طالبان په کې پټ شوي محاصره کړي

وروسته له هغې ، چې لوړ دير کې په يوه جومات کې د طالبانو له خوا په چاودنه کې 38 تنه ووژل شول  ، د سيمې خلک په غوسه شوي او په طالبانو پسې يې راوخيسته .

اوس مهال د يونيم زرو شاو خوا قبائيلي لښکر څو هغه کلي کلا بند کړي ، چې د200 شاوخوا طالبان په کې پټ شوي دي .

د لوړ دير د پوليسو يوه چارواکي اعجاز احمد ويلي ، چې په دغه طالبانو کې بهرني اورپکي هم شته ، چې يو شميريې د منځنۍ اسيا دي .

نوموړي زياته کړه ، چې د سيمو خلکو د طالبانو د تېښتې ﻻره ډبه کړې او ځای ځای نښتې هم کيږي .

شنونکي په دې باور دي ، چې طالبانو او القاعده د سرحد په صوبه کې يو زيات شمير قومي مشران له دې امله وژلي ، چې خپل نفوذ پراخ کړي او له بلې خوا په سيمه کې د جګړو له امله يو زيات شمير خلک له کړاونو سره مخ شول اود دونيمو مليونو شاو خوا خلک له خپلو کورنو بې ځايه شول او له همدې امله اوس  قبائيلي لښکرو د طالبانو پر ضد وسله راپورته  کړې .

  ديادولو وړ ده ، چې  په افغانستان کې  هم عام خلک د طالبانو بيا راتګ ته ليواله نه دي ، ځکه چې دوی سخت دريځي دي او همدا اوس يو زيات شمير ښوونځي په هغه سيمو کې سوځول کيږي ، چې د طالبانو تر ولکې ﻻندې دي .  د کارپوهانو په اند په افغانستان کې د طالبانو پر ضد خلک ځکه وسله نه پورته کوي ، چې امريکايان تر دوی زيات جرمونه ترسره کوي او تر اوسه يې په زرګونه خلک يوازې په ړندو بمباريو کې وژلي .  له بل پلو امريکايان او متحدين يې په افغانستان کې يو مافيايي حکومت رامنځته کړی او دوی يوازې ددغه مافيايي حکومت  ساتونکي دي .

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / بدلون )

Twitter picture

You are commenting using your Twitter account. Log Out / بدلون )

Facebook photo

You are commenting using your Facebook account. Log Out / بدلون )

Google+ photo

You are commenting using your Google+ account. Log Out / بدلون )

Connecting to %s

%d bloggers like this: