د ارزګان په چارچينو ولسوالۍ كې لومړني ښوونځي بيا پرانستل شول

د افغانستان اسلامي جمهوريت د پوهنې وزارت له دې امله د خپل لوى خداى له درباره مشكور دى چې د معززو علماى كرامو، قومي مخورو او خپل علم پاله ولس په مرسته او ملاتړ وتوانيدلو ترڅو د ارزګان په چارچينو ولسوالۍ كې هم د ساخر، بتو، اوشۍ او بس آب لومړني ښوونځي يو وار بيا پرانيزي.

په ياده شوې ولسوالۍ كې دغه ښوونځي چې په ۱۳۸۴ هـ ش كال كې تړل شوي وو له مله يې تر (۶۰۰) زيات ماشومان له زده كړې بې برخې شوي وو.

د دغه ښوونځيو يو وار بيا پرانيستل په داسې حال كې دي چې په تيرو څو مياشتو كې د پوهنې وزارت د رهبرۍ په هڅو د ټولو (۶۷۳) بابه تړل شويو ښوونځيو او ديني مدرسو له جملې څخه په بادغيس، كندهار، هلمند، خوست، فراه، ارزګان، زابل، پكتيا، پكتيكا او غزني ولايتونو كې (۲۱۱) ښوونځي يو وار بيا د ماشومانو پر مخ پرانيستل شوي دي.

د افغانستان اسلامي جمهوريت د پوهنې وزارت تكراراَ پر خپلو ټولو وطنوالو په خاصه توګه د جنوبي او جنوب غربي ولايتونو په علماؤ، مخورو او متنفذينو غږ كوي چې د تړل شويو ښوونځيو د پرانيستو په زيار كې دې له پوهنې وزارت سره لاس يو كړي څو په دې توګه د دې خاورې هغه معصوم ماشومان، نجونې او هلكان چې شمير يې تر (۳۰۰) زرو اوړي، او د ښوونځيو د تړل كيدو له امله له زده كړې بې برخې شوي بيرته د هيواد  دنورو ماشومانو په څير د زده كړو په خونو كې كښيني او د لوى خداى(ج) د معرفت، د هيواد د پرمختګ او په راتلونكي كې د حلال معيشت فرصت بيامومي.

د افغانستان اسلامي جمهوريت د پوهنې وزارت په داسې حال كې چې د لوى څښتن په بې سارې مرسته يې د وطن بچيانو ته دغه لوى چوپړ او لاسته راوړنه په برخه شوې ده د افغانستان ټول علم پال ولس ته مباركي وايي، اوله ټولو علمي، فرهنګي، علماءكرامو او افغانستان له شريفو خلكو، چې د پوهنې د متوازن او سرتاسري نظام د ودې په لاره كې يې نه ستړې كيدونكې منډې ترړې كړې منندوى دى، او په دې لاره كې ورته د لوى خداى له درباره ورته لابرياوې او مزيد اجر غواړي.

په درنښت

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / بدلون )

Twitter picture

You are commenting using your Twitter account. Log Out / بدلون )

Facebook photo

You are commenting using your Facebook account. Log Out / بدلون )

Google+ photo

You are commenting using your Google+ account. Log Out / بدلون )

Connecting to %s

%d bloggers like this: