راخلاص شوی افغان خبریال وايي طالبانو بد وهلی

راخلاص شوی افغان خبریال وايي طالبانو بد وهلی

تاند(دوشنبه/جون ۲۲) یوه افغان ژورنالیست چې د نیویارک ټایمز له خبریال سره یوځای اووه میاشتې پخوا په لوګر ولایت کې تښتول شوی وو، له تښتېدو وروسته نن وویل چې دی د یرغملتوب په دوران کې د وسله والوطالبانو له لوري بیا بیا وهل شوی .

 وسله والوطالبانو پرون وویل چې د امریکايي ورځپاڼې، نیویارک ټایمز، خبریال ډیویډ روهد او له هغه سره ملګری افغان خبریال او د هغوی موټرچلوونکی دوی نه وو تښتولی .

 خوطاهرلودین چې له روهد سره یوځای تښتول شوی وو، وايی چې طالبانو برمته کړی وو ځکه چې د دوی د خلاصون په بدل کې یې د خپلو بندیانو د خوشي کېدو غوښتنه کوله .

 ډیویډ روهد، د هغه افغان همکار خبریال لودین او د دوی موټرچلوونکی اووه میاشتې پخوا(نوومبرلسمه) په لوګر ولایت کې وتښتول شول . دوی چې په دې موده کې وزیرستان ته بېول شوي ول چې ویل کېږي د کوټې او باجوړ په شان د وسله والوطالبانو اوالقاعده د حملو د پلان جوړونې،جذب ، تریننګ او پلان جوړونې مرکز دی .

 لودین وویل چې دوی هغه مهال وتښتول شول چې غوښتل یې د طالبانو له یوه مشر سره مرکه وکړي خو برکي راجان ولسوالۍ ته نژدې ونیول شول .

لودین وویل موږ ته د توپکونو خولې ونیول شوې او راته وویل شول چې ښور مه خورئ .د هغه په وینا برمته ګر هماغه کسان ول چې دوی ته یې د طالبانو له یوه مشر سره د مرکې تابیا کړې وه .

لودین وايي روهد یې په جلا موټر کې کښېناوه او د ټولو سترګې یې وتړلې .

هغه دغه راز وویل چې برمته نیوونکو د کلاشینکوف په قنداغ سخت وواهه .ده همداراز وویل چې هڅه یې وکړه چې برمته نیوونکو ته ووايي چې د طالبانو له ویاند قاري یوسف یا د طالبانوله مشرابوطیب سره چې ټاکل شوې وه دوی ورسره مرکه وکړي، تماس ونیسي خو هغوی ورته وویل چې نه قاري یوسف احمدي پېژني، نه ذبیح الله مجاهد اونه ابوطیب .

لودین وویل چې ده ته د بند په موده کې ویل کېدل چې جاسوس دی خو کله ناکله به خبره بیخي تجارتي شوه اوپیسې به یې غوښتلې .

په اوله کې دوی د دېرش ملیون ډالرو غوښتنه کوله، بیا یې وویل چې د افغانستان د حکومت په بند کې د خپلو طالب بندیانو سره تبادله غواړي .د هغوی غوښتنې هره اوونۍ بدلېدلې .

 لودین وايی چې طالبانو په ځلونو د مرګ خبرداري ورکړل او په ځلونو یې د هغو کسانو سي دي ګانې وروښودلې چې دوی یې سرونه پرې کړي ول .

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / بدلون )

Twitter picture

You are commenting using your Twitter account. Log Out / بدلون )

Facebook photo

You are commenting using your Facebook account. Log Out / بدلون )

Google+ photo

You are commenting using your Google+ account. Log Out / بدلون )

Connecting to %s

%d bloggers like this: