ملاعمرد جګړې کنټرول مستقیماً په خپل لاس کې اخلي

تاند(دوشنبه/جون۲۲) په افغانستان کې د وسله والو طالبانو او امریکايي پوځي مقاماتو په وینا د طالبانو مشرملامحمدعمر افغانستان ته د زرګونو نورو امریکايي پوځیانود د رسېدو او د هغوی د حملو په وړاندې د تیاري لپاره هڅه پیل کړې چې د افغانستان د حکومت د تیت پرک  مخالفو ډلوکنټرول مستقیماً په لاس کې واخلي ، حملې منظمې کړي او قومندانان بدل رابدل کړي .

د وال ستریټ ژورنال ورځپاڼې د راپورله مخې تر وروستیو پورې په افغانستان کې طالب قومندانانود امریکا په مشرۍ له نړیوالوځواکونو سره د جګړې چارې په خپله تنظیمولې .

ملاعمرچې د ورځپاڼې له لیکنې سره سم د کوټې د شورا مشري کوي د طالب قومندانانواومشرانو غوره کولو، د مالي امکاناتو برابرولو،مذهبي لارښوونو اوجنګي تاکتیکونوته توجه زیاته کړې ده .

د امریکايي مقاماتواو طالبانو په وینا ملاعمرد کال له پیله خپلو پلویانوته د افغانستان په جنوب اوختیځ کې د ځانوژونکواوبمي حملود زیاتېدو امرکړی چې تراوسه پکې د ډېروکسانو وینې توی شوې دي .

 د هغه د حملویو هدف د ولسمشرکرزي ورور احمدولي کرزی ووچې څه باندې یوه میاشت مخکې د کابل – جلال اباد په لاره کې ورباندې وشوه خو هغه ته تاوان ونه رسېد.

په کندهارکې یومعتدل مذهبي مشرقاري سیداحمددخپل کور مخته ووژل شو.د طالبانو یوه قومندان وویل چې سیداحمد د ملاعمرد یوه نژدې مقام په امر ووژل شو.

د مې په میاشت کې شاوخوا دولسو ځان وژونکوپه یوغیرمعمولي اقدام کې د خوست پر مرکز برید وکړچې په نتیجه کې یې له ځان وژونکو پرته دولس تنه ووژل شول.

د امریکايي مقاماتو په وینا د خوست حمله د کوټې د شورا په امرترسره شوه .

د روانې اوونۍ د یکشنبې په ورځ په بګرام کې د امریکايي ځواکونو پراډې راکټي حمله وشوه چې په ترڅ کې یې دوه امریکايي پوځیان ووژل شول اوشپږنور ژوبل شول.

 د ګلبدین حکمتیارپه مشرۍ د سخت دریځود یوې ډلې یوه مقام د بګرام د حملې په باب وویل چې دا برید د بارک اوباماله لوري افغانستان ته د ځواکونورالېږلو ته د کوټې د شورا ځواب وو.

 د ګلبدین حکمتیارد شبکې دغه لوړرتبه غړي په پېښور کې په یوه مرکه کې وویل چې د کوټې شورا حاضره نه ده چې وسله پرمځکه کښېږدي .

د وال ستریټ ژورنال ورځپاڼې د راپورله مخې تر۲۰۰۱ کال مخکې د افغانستان طالبان ډېریولاس اومنظم ول، خوپه افغانستان کې د نړیوال ايتلاف د حملې په نتیجه کې د هغوی د رژیم له پرزېدو وروسته ،تیت پرک شول او په ګڼو خپل سرو ډلو بدل شول.

د طالبانو د مشرملاعمراود هغه د شورا له لوري د دغوسره پاشلوډلو، چې په افغانستان اوپاکستان کې د امریکايي او دولتي ځواکونو پرضد په مستقل ډول حملې کوي ،د کنټرولولوتازه هڅه په داسي حال کې چې هغوی په ښه دریځ کې دي خوپه راتلونکو میاشتو کې د پولو په دواړو خواوو (افغانستان-پاکستان)کې له پراخوحملو سره مخامخ دي، د افغانستان په اته کلنې جګړې کې یونوی مهم پړاو ګڼل کېږي .

 د نورو امریکايي پوځیانوپر راتګ سربېره، د پاکستان پوځ وايي په جنوبي وزیرستان کې د طالبانوپرضد د پراخوعملیاتو پلان لري .

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / بدلون )

Twitter picture

You are commenting using your Twitter account. Log Out / بدلون )

Facebook photo

You are commenting using your Facebook account. Log Out / بدلون )

Google+ photo

You are commenting using your Google+ account. Log Out / بدلون )

Connecting to %s

%d bloggers like this: