قبايلي طالبان د افغانستان څخه مرستي ترلاسه کوي

پاکستان وايي قبايلي طالبان له افغانستان څخه مرستي ترلاسه کوي او بيا يې د حکومت ضد فعاليتونو کي کاروي.

د پاکستان د کورنيو چارو سلاکار وزير رحمان ملک پرون خبريالانو ته وويل د بيت الله مسود طالبانو ته ټول کلاشينکوفونه، پيسې، ټرانسپورټي وسايل او جنګي مهمات له افغانستان څخه راځي.

بيت الله مسود چي په شمالي او جنوبي وزيرستان کي د نيژدې ٥٠٠٠ طالب جنګياليو مشري کوي د امريکا له خوا د القاعده شبکې سره په تړاو او د افغانستان د حکومت له خوا افغانستان ته د ځانمرګو بريدکوونکو په رالېږلو هم تورن دئ.

همدا راز پاکستاني مقاماتو تېره اونۍ اعلان وکړ، چي که اړتيا پېښه سي ځيني داسي اسناد به خپاره کړي چي د بيت الله مسود او هندوستان ترمنځ د اړيکو پټ تار ځني جوتېږي.

رحمان ملک که له يوې خوا قبايلي طالبان له افغانستان څخه د مرستو په ترلاسه کولو تورن کړل، خو دا يې ونه ويل، چي له افغانستان څخه قبايلو ته ورتلونکي وسلې، پيسې او ټرانسپورټي وسايل د افغانستان د حکومت له خوا برابرېږي که کوم بل هيواد لاس پکښي لري.

پاکستان تر دې وړاندي د بلوچستان په مسئله کي د افغانستان حکومت او په افغانستان کي مېشتي هندۍ قونسلګرۍ ښکېلي بللي وې، خو دا لومړى ځل دئ چي له دغه هيواد څخه د قبايلي طالبانو د مرستو د ترلاسه کولو يادونه کوي.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / بدلون )

Twitter picture

You are commenting using your Twitter account. Log Out / بدلون )

Facebook photo

You are commenting using your Facebook account. Log Out / بدلون )

Google+ photo

You are commenting using your Google+ account. Log Out / بدلون )

Connecting to %s

%d bloggers like this: