خوست : بمي چاودنې مرګ ژوبله پېښه کړې او په بله پېښه کې دوه تنه په ګوليو ويشتل شوي

خوست ښار كې بمي چاودنې د ماشومانو په ګډون يو شمېر كسانو ته مرګ ژوبله واړوله، بله خوا د دغه ولايت د ايوب خېلو په نوم سيمه كې دوه تنه د ټوپك په ګوليو ويشتل شوي او وژل شوي دي، تراوسه چا د دې پېښو مسووليت پرغاړه نه دى اخيستى او نه يې هم په  تور څوك نيول شوي دي.
خبرونه له تفصيل سره :
د چاودنې دا پېښه د چارشنبې په ورځ د خوست ښار په منځني چوك كې پر يوه ولاړ بايسكل د ځاى پرځاى شويو چاوديدونكو  توكو له امله وه،  د خوست والي وياند كوچي ناصري وايي چې له امله يې يو ملكي وګړى ووژل شوى او دوه نور ټپيان دي.   خو د خوست ملكي روغتون ډاكټران وايي، چې دوى ته يې له دې پېښې يو مړى او درې ټپيي ماشومان وروړي دي.
په خوست ښار كې دغه ځاى چې خلك يې د سرګردان چوك په نوم بولي، د روژې په ورځو كې ډېر له ګڼې ګوڼې ډك وي، په دې روژه كې د خلكو يوه نېوكه دا ده، چې دغه چوك ته، په خوست كې د بېلابېلو امنيتي ادارو كسان، ان په شخصي جامو كې هم داخليږي او ډېر كله د دوى ترمنځ خپلمنځي شخړې هم رامېنځته كيږي. چې د عامو خلكو له پاره وېروونكې وي.
د يوه بل خبر له مخې د خوست ښار ختيځ ته، د ايوب خېلو په نوم سيمه كې دوه كسان ناڅرګندو وسله والو د ټوپك په ګوليو ويشتلي او وژل شوي دي.
د خوست والي وياند كوچى ناصري وايي، چې هغوى حكومتي دندې نه لرلې او د ده په ګومان ښايي د شخصي دښمنۍ له امله وژل شوي وي، تر اوسه د د يادو دواړو پېښومسؤوليت چا پر غاړه نه دى اخېستى.
بله خوا د خوست په صبريو ولسوالۍ څو توغندي توغول شوي، وسله وال طالبان وايي، چې سرتېرو ته يې  مرګ ژوبله اړولې، خو ځايي چارواكي وايي چې كوم زيان يې نه درلود

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / بدلون )

Twitter picture

You are commenting using your Twitter account. Log Out / بدلون )

Facebook photo

You are commenting using your Facebook account. Log Out / بدلون )

Google+ photo

You are commenting using your Google+ account. Log Out / بدلون )

Connecting to %s

%d bloggers like this: