نن د کابل ښار په چاودنه کې شاوخوا ۵۰ تنه مړه او ژوبل شوي

نن د کابل ښار په چاودنه کې شاوخوا ۵۰ تنه مړه او ژوبل شوي خان وژونکي په وزیر اکبر خان سیمه کې د یو جومات مخې ته ځان الوزولی افغان امنيتي چارواكي وايي، چې په كابل كې د سه شنبې د ورځې په ځان وژونكې حمله كې لږ تر لږه ۸ كسان وژل شوي او تر ۴۰ ډېر ژوبل شوي دي. دغه ځان وژونكې حمله د سه شنبې په سهار پر ۹:۴۵ دقيقو د كابل ښار د وزېر اكبر خان مېني په څوارلسم سړك كې د هيټل پلازا هوټل ته څيرمه شوې. افغان چارواكي وايي، چې په وژل شوو كسانو كې ښځي هم شاملي دي. د كابل د امنيې قوماندانۍ مرستيال خليل الله دستيار د چاودنې په ځاى كې ازادي راډيو ته وويل: ”د هېواد او خلكو دښمنانو يو ځل بيا زموږ د عامو او زورېدلو خلكو كورونه له تشويش سره مخ كړه، د هغوى ارامې كورنۍ يې غمجني كړې او يو ناځوان مردانه ځان وژونكې حمله يې وكړه.“ دا چاودنه په يوه داسې سيمه كې شوې، چې د ولسمشر كرزي د پخواني لومړي مرستيال احمد ضياء مسعود کور ترڅنګ د يو شمېر جګپوړو دولتي چارواكو كورونه هم موجود دي، خو د چارواكو په وينا په حمله كې ورته كوم زيان نه دی اوښتی. د ولسمشر کرزي لومړی مرستیال احمدضیا مسعود، چې په دوړو ډګ له کوره راوتلی دی په سميه كې يو شمېر عينې شاهدانو د چاودنې د سترګو ليدلې حال او د اوښتې مرګ ژوبلې په اړه د ازادي راډيو ته داسې وويل: ”شهيدانو ته مې پام نه شو، هغه وخت زه پر خپلو چوكيدارانو ګرځېدم، د جومات مخكې مې يو كس وليدى او نور يې موټرو ته اچولي وه، زموږ به تقريباً درې كسان ژوبل شوي وي.“ د كورنيو چارو د وزارت له خوا د وركړل شويو معلوماتو له مخې په دې چاودنه كې امنيتي ځواكونو ته هم مرګ ژوبله اوښتې، خو دقيقه شمېره يى لا نه ده معلومه. افغان چارواكي ډېر كله د دغه ډول چاودنو او حملو پړه پر وسلوالو طالبانو اچوي، خو د وسلوالو طالبانو يوه وياند ذبيح الله مجاهد د يوه نامالوم ځايه ازادي راډيو ته د تليفون له لارې وويل، چې دا چاودنه دوى نه ده كړې. د كابل د سې شنبې ورځې چاودنه په تېرو څو مياشتو كې تر ټولو خونړۍ بلل شوې، چې عام خلك په كې مړه او ټپيا شوي.

Advertisements

ځواب دلته پرېږدئ

Fill in your details below or click an icon to log in:

WordPress.com Logo

You are commenting using your WordPress.com account. Log Out / بدلون )

Twitter picture

You are commenting using your Twitter account. Log Out / بدلون )

Facebook photo

You are commenting using your Facebook account. Log Out / بدلون )

Google+ photo

You are commenting using your Google+ account. Log Out / بدلون )

Connecting to %s

%d bloggers like this: