داسلامي حزب د امیر محترم حکمتیار د اختر پیغام:

بسم الله الرحمن الرحيم

د لوى اختر په مناسبت پيغام

حَسبُنَا اللَّهُ وَ نِعْمَ الْوَكيلُ ، نِعْمَ الْمَوْلى وَ نِعْمَ النَّصِيرُ

خداى هم راته كافي دئ او هم ډېر غوره وكيل، غوره مولا او غوره مرستندوى

گرانو هېوادوالو!

وروڼو خويندو!

السلام عليكم و رحمة الله و بركاته

د لوى اختر د رارسېدو په مناسبت مباركي وايم، دعا كوم چي الله تعالى زمونږ مظلوم او دردېدلى ولس د جگړو او بې امنيو له دې دردناك حالت وژغوري او زموږ هېواد د پرديو له سلطې آزاد كړي او موږ ته دا سعادت راپه برخه كړي چي راتلونكي اخترونه په خپلواك او آزاد افغانستان كي او په داسې حال كي ولمانځو چي د هېواد په گوټ گوټ كي د اسلام شين بيرغ رپانده وي، ټول اشغالگر ځواكونه له هېواده وتلي وي، جگړه د تل لپاره پاى ته رسېدلې وي، او اقتدار د داسې صالح حكومت په واك كي وي چي چارواكي ئې له خدايه وېرېږي او پر مظلومانو ترحم لري.

وروڼو خويندنو!

لوى اختر مسلمانانو ته ستر پيغام له ځان سره لري، د الله تعالى په لار كي د قربانۍ پيغام، د ستر موحد ابراهيم خليل الله په لار د تلو پيغام، دا اختر د الله تعالى په لار كي د ابراهيم عليه السلام قربانۍ رايادوي، او مونږ ته بلنه راكوي چي د ابراهيم خليل الله په څېر خداى ته مخه كړو، د بنده بندگي ونه كړو، بتان نسكور كړو، د اسارت جغ مات كړو، زولنې وشلوو، آزاد او سرلوړى ژوند وكړو، د خپلواكۍ او آزادۍ بيرغ لوړ وساتو، د كفر، شرك، ظلم او فساد ځواكونو تور او په وينو لړلي بيرغونه رانسكور كړو، د هغو طاغوتي نظامونو ټغر ټول كړو چي مظلومان او بې وزلي انسانان كړوي، د هغو زندانونو دېوالونه ونړوو چي خداى پال، موحدين، آزادي غوښتونكي او مظلومان په كي ځورول كېږي، كه دا ونه كړو نو نه مو د ابراهيم عليه السلام په سنت عمل كړى، نه مو اختر پېژندلى او نه مو هغه لمانځلى!!

قرآن د ابراهيم عليه السلام، د موحدينو د هغه ستر لارښود او سالار قصه زموږ مخي ته ږدي چي موږ ئې نن د ستري قربانۍ ورځ لمانځو، تر څو وگورو چي ايمان انسان كوم مقام ته رسوي، څومره ئې لوړ بيايي، څنگه ئې د عالمونو رب دعاگاني مني، څنگه يو سپېره وچ خوړ د ده په دعاء په داسي خوندي او له امن او بركتونو ډك ښار بدلېږي چي د نړۍ د ټولو موحدينو او مؤمنانو قبله گرځي، له هر لوري او په هر موسم كي پاكيزه او پرېمانه رزق ورته رادرومي، په دې كي د ابراهيم عليه السلام په لاس بيت الله، د خداى كور او د خداى پالو مطاف جوړېږي، هر كال په لكونو خداى پال، پر الله تعالى مين، له محبت او اخلاص ډك زړونو سره؛ دې ښار ته د الله تعالى د كور د طواف او د ابراهيم عليه السلام پر پل د پل اېښودو لپاره ځي او همغه څه كوي چي ابراهيم، د ده زوى اسمعيل او د ده مېرمني هاجر عليهم السلام كړي ول، او دا دئ تر نن پوري په تېرو نږدې څلورو زرو كلونو كي په سلگونو مليونو خلكو د ابراهيم عليه السلام په دعاء آباد شوي ښار ته تللي او د ده په لاس جوړي شوې كعبې طواف ئې كړى، دا لړۍ به همداسي تر قيامته دوام كوي، دا په داسي حال كي چي څلور زره كاله مخكي، په هغه وچ ناو كي، له ابراهيم عليه السلام او د ده له مېرمني او تي خور زوى پرته نه بل انسان وو او نه بل ژوى، نه اوبه، نه بوټى او نه حيوان، دا دئ ستاسو په وړاندي د ايمان او پاكي كلمې د اغېز هغه تاريخي بېلگه چي د ابراهيم عليه السلام په قصې كي انځور شوې، هغه كلمه چي جرړي ئې د زمكي په زړه كي ژوري درومي، څانگي ئې د آسمان په لوري لوړېږي او تل خپله مېوه وركوي.

د لوى اختر په دې مباركي ورځ كي د نړۍ نږدې درې مليونه حاجيان په يوه رنگ جامو كي د الله تعالى د كور طواف كوي او د حال په ژبه وايي: د الله له كور پرته نه د بل كور طواف كوو او نه د بل كور دړه ټكوو، په حجرالاسود لاس ږدي او له خداى سره دا ژمنه تازه كوي چي له ده پرته به بل چا ته لاس نه اوږدوي، بل چا ته به سر نه ټيټوي، له ده پرته به نه له چا طمعه لري او نه وېره، د هاجر عليها السلام په پل گام ږدي او ژمنه كوي چي هره سعي او هر هاند به ئې د الله تعالى په لار كي وي، د خپل ستر موحد او بت ماتوونكي جد ابراهيم خليل الله قرباني رايادوي، د اسمعيل ذبيح الله په لار د تلو هوډ كوي، د الله تعالى او د ده د بندگانو د دريو سترو او دائمي دښمنانو څلې په ډبرو ولي، او دا تعهد كوي چي تل به د هر (فرعون، هامان او قارون) په ضد جنگېږي، د منىٰ، عرفات او مزدلفې شپې ورځې دوى ته د مجاهد او قربانيو ته د چمتو باايمانه انسان په څېر د ژوند كولو طريقه ورښيي او د نړۍ د ټولو مسلمانانو ترمنځ د ورورولۍ، مساوات، يووالي او يو رنگ والي درس وركوي، پاتي مسلمانان په خپلو كورونو كي د قربانيو او د لمونځ په ترڅ كي دا ورځ لمانځي، اسلام د دې ورځ په ټاكلو سره مونږ ته وايي: ستاسو د خوشحالۍ ورځي هغه دي چي الله تعالى تاسو ته د ده په لار كي د قربانۍ همت، عزم او توفيق دركړي، راشئ په دې مباركي ورځې كي تعهد وكړو چي د ابراهيم عليه السلام په څېر به ژوند كوو، د اسمعيل عليه السلام په څېر به قربانۍ ته چمتو وو، د نمرود مقابلې ته به درومو، په هغه اور كي به له لوېدو وېره نه لرو چي نمرودان ئې بلوي، په همدې اور كي د لوېدو په وخت به وايو:

حَسبُنَا اللَّهُ وَ نِعْمَ الْوَكيلُ ، نِعْمَ الْمَوْلى وَ نِعْمَ النَّصِيرُ

خداى هم راته كافي دئ او هم ډېر غوره وكيل، غوره مولا او غوره مرستندوى

وروڼو خويندو!  له دې فرصته په استفادې سره د هېواد د مهمو قضاياوو په اړه څو عرايض لرم:

  • لكه څنگه چي الله تعالى تاسو ته د روسي يرغلگرو په ضد په تېر جهاد كي بريا دركړه، دا دئ د صليبي ځواكونو په ضد په روان مقاومت  كي هم ستاسو بريا د تحقق په حال كي ده، امريكايي يرغلگر له ماتې سره مخامخ شوي او د وتلو په حال كي دي، دا دئ د ناټو ستر فوځي ځواك په خپلي حتمي ماتې پوه شوى، د جگړي له دوام او گټلو ځان عاجز ويني، ځينو ئې په يوه اړخيز ډول پرېكړه كړې چي په راتلونكي كال كي به خپل فوځونه له افغانستانه باسي، نور هم ورپسې دي او همداسي پرېكړي ته ځان اړ گڼي، امېد دئ چي الله تعالى د اسلام او بشريت دا زوړ او ترټولو خطرناك دښمن هم له هغه برخليك سره مخامخ كړي چي شوروي اتحاد ئې ورسره مخامخ كړ، خو دې ته مو بايد پام وي چي امريكا غواړي له روسيې او ايران نه يو ځل بيا همغه كار واخلي چي د روسي فوځونو له وتلو وروسته ئې واخيست، غواړي د جگړي د دوام مأموريت بيا دوى ته وسپاري. مجاهدين بايد له يوې نوې مرحلې سره د مخامخېدو لپاره چمتو وي او خپله جنگي سټراټيژي داسي عياره كړي چي د نويو گواښونو مقابله وكړى شي. روسيه او ملگري ئې د هند او ايران په شمول دې ته چمتو شوي چي يو ځل بيا مخكنۍ لوبه تكرار كړي، غواړي بيا وطن پلورونكي او ايمان خرڅوونكي راغونډ كړي او د مجاهدينو په ضد ئې وجنگوي. له ناټو سره د مسكو دا توافق چي له د روسيې له لاري په افغانستان كي خپلو مېشت ځواكونو ته وسلې، مهمات او سرتېري ولېږي او د ننگرهار په عملياتو كي  د اوياوو روسي كوماندوگانو شركت د دې غمازي كوي چي د مسكو اوسنيو چارواكو د مخكنۍ ترخې او ناكامي تجربې تكرار اراده كړى.

  • مجاهدين بايد دې ته متوجه وي چي افغانان او ټول اسلامي امت يو ستر جنگ په مخكي لري، ټول كفري ځواكونه يو ځاى شوي او د اسلامي امت په ضد داسي ستره جگړه پيل كړې چي له هره پلوه تر مخكني صليبي جنگ ډېره پراخه او ستره ده، په دې جنگ كي د صليبي ځواكونو تر مشرۍ لاندي صهيونيستان، كمونيستان، هندي مشركين، روافض او منافقين د امت په ضد جنگ ته راوړاندي شوي، دا عجيبه مه گڼئ چي جان مكين د جمهوري غوښتونكو په استازيتوب له اوباما غواړي چي له افغانستانه د فوځونو په ايستلو كي تلوار ونه كړي كه نه نو د هند په څېر ملگري به ناراض شي!! هو؛ په دې سره هند، روسيه او ايران ناراضه كېږي، دا جگړه او په افغانستان كي د بهرنيو ځواكونو شتون د دوى په گټه دئ. دا هم عجيبه مه گڼئ چي د عراق شيعه زعامت د امريكايانو تر مشرۍ لاندي او د هغوى په ايماء او اشاره دوه لكه اتيا زره سنيان وژلي، او نږدې دوه لكه ئې د زندان تورو خونو ته اچولي او په بې رحمانه او وحشيانه توگه ئې وهلي او كړولي. دا ټول د يوې خبيثي منصوبې او د همدې ستري جگړي برخي دي. د اسلامي امت ټولو مجاهدينو ته په كار ده چي حوصلې مضبوطي وساتي، خپل صفوف لازيات منظم او متحد كړي، يو بل ته د يووالي او ورورولۍ لاس وركړي، بايد ډاډه او مطمئن وي چي قدير خداى به د شيطان پر لښكرو دوى ته بري وركوي، صليبي ځواكونه به هرومرو وځي، له وتلو پرته بله چاره نه لري، خو مجاهدين بايد سره له دې د اوږده او سخت جنگ لپاره چمتو وي، هيڅوك دي دا گمان نه كوي چي د دغو ځواكونو له ماتې او وتلو پرته صلح راتلى شي او يا د دوى په لاس تپل شوو لاس پوڅو حكومتونو سره د تفاهم له لاري جگړه پاى ته رسېدى شي، څوك چي ځان په نورو ساتي او د خپل كور د دروازې كيلي ئې هم د پردي په لاس كي وي، د پرديو د جهازونو تر وزر لاندي د سپكاوي او ذلت له ژوند نه عار نه لري، په دې ئې د غيرت رگ نه خوځي چي هره ورځ د دغو ځواكونو په لاس د ده په لسگونو بې گناه وطنوال په وينو كي رغړي، په عزت او ناموس ئې تيرى كېږي، ډېر ساده انسان به له داسي چا سره د خبرو لېوال وي او له داسي خبرو به څه هيله لري!!

  • امريكايانو په تېرو نهو كلونو كي د مقاومت د ځپلو لپاره له هيڅ جنايت نه ډډه ونه كړه، داسي جنايات ئې وكړل چي په انساني تاريخ كي ئې نظير او بېلگه نشو موندلى، په جوماتونو كي او هغه هم د لمانځه په وخت كي چاودني، د خلكو د غم او ښادۍ پر محافلو بمونه ورول، پر كورونو د شپې له لوري او هغه مهال چي خلك په ژور خوب ويده وي، د جاسوسي طيارو له لاري راكټي ورول او ښځي، ماشومان او بوډاگان په وينو كي رغړول، دا او دې ته ورته ډېر نور جنايات هغه څه دي چي نه مغلو كړي وو او نه كمونيستانو، خو دغو جناياتو نه يوازي ونه شو كړى د افغانانو ايمان كمزورى او روحيه وځپي او امريكايان خپلو موخو ته ورسوي بلكي د دوى پر تندي تور داغ شو او دا دئ نن اعتراف كوي چي د افغانستان جگړه تر عراق ډېره سخته ده!!

  • دښمن خپلو موخو ته په رسېدو كي ناكام شوى، لالهانده دئ، له مظلومو افغانانو غچ اخيستو ته ئې مخه كړې، د زخمي مار په څېر هر لوري ته خوله اچوي، كله په كليو، كورونو، د خلكو د غم او ښادۍ په غونډو بمونه او راكټي وروي، كله په جوماتونو، مدرسو، مكتبونو، ښارونو او د خلكو د گڼه گوڼي په ځايونو كي چاودني كوي، كله د ښوونځيو نجوني مسموموي، كله د مخكنيو مجاهدينو هغه غړي ترور كوي چي اوس د دوى په څنگ كي ولاړ دي، هر لوري ته لاس غزوي او هر جنايت او ذليل او وحشيانه عمل ته ملا تړي خو هيڅ په لاس نه ورځي. بايد خپل مؤمن او هوښيار ولس دې ته متوجه كړو چي دا كارونه ټول د دښمن له لوري دي، چي يا ئې مخامخ په خپله كوي، يا ئې د كابل په امنيتي ځواكونو كي د خپلو جاسوسانو په لاس او يا ئې د مجاهدينو په ليكو كي د خپلو ذليلو مزدورانو په لاس. څه چي دوى په عراق كي د سنيانو د بې رحمانه وژلو په اړه د ذليلو نوري المالكي او سيستاني په لاس كوي، په افغانستان او پاكستان كي ئې د دوى په څېر منافقينو په لاس كوي.

  • مجاهدينو ته په كار ده چي ټوله توجه اصلي او ستر دښمن ته واړوي، ټول بريدونه ئې بايد پر اشغالگرانو وي، فدايي عمليات يوازي د همدې دښمن په ضد ترسره كړي، په نورو مواردو كي داسي عمليات هم غلط كار دئ او هم د قدرمنو فدايانو په ژوند لوبي كول، دوى تر دې ډېر ارزښتمن دي چي په وړو وړو عملياتو كي قرباني شي. بايد هڅه وكړي چي له افغاني ځواكونو سره په نښتو كي ښكېل نشي، مگر د مجبوريت په صورت كي او هغه مهال چي دوى د بهرنيو ځواكونو په لومړۍ كرښي كي د مقدمة الجيش په توگه جنگېږي. په افغاني ځواكونو كي تر ټولو خطرناك او مضر ځواك د ملي امنيت رياست دئ، ټول پوهېږي چي دا رياست همغه د كمونيستانو د دور د (كام) او (خاد) اداره ده چي د شمالي ائتلاف د خبيث دور په جريان كي د شوراى نظار غړي او نور حرفوي قاتلان، غله او مفسدين هم ورسره يو ځاى شول، او د امريكايانو له يرغل وروسته يو ځل بيا په پراخه پيمانه فعاله شوه، كافي وسائل او وسائط وركړى شو او د بليك واټر په څېر جاسوسي او تروريستي شبكې ئې مرستي ته راولېږل شوې، د مرموزو ترورونو، د خلكو د تجمع په ځايونوكي چاودني، د مخالفينو د تشخيص، نيولو او وژلو، په جوماتونو، مدرسو، مكتبونو، زيارتونو او ښارونو كي انفجارات، د كابل له حكومت سره د يو ځاى شوو مخكنيو مجاهدينو ترور، بهرنيو ځواكونو ته د بريدونو او بمباريو د ځاى په اړه معلومات وركول، د مجاهدينو په ليكو كي جاسوسان استخدامول، په دوى كي اختلافات راولاړول او يو د بل په ضد جنگول، او دې ته ورته نوري دندي وروسپارل شوې، په دې رياست كي موظفو امريكايي مشاورينو چي په اصل كي د دې رياست اداره كوونكي او توجيه كوونكي دي؛ دې ته ترجيح وركړې چي په اوزبك، تاجك او هزاره قومونو پوري تړلي كمونيستان، مفسدين او حرفوي قاتلان استخدام كړي، دا هغه څه دي چي اوس امريكايي ورځپاڼو او ليكوالو پرې ليكني كړې او اړوند معلومات ئې د كانگريس غړو ته هم رسېدلى. دا حقيقت اوس هر چا ته جوت شوى چي د كابل حكومت تر واك لاندي سيمو كي ټول ترورونه، مخصوصاً په كابل او د هېواد په شمال كي د مخكنيو جهادي څېرو وژني د همدې ادارې له لوري او د امريكايانو په وينا ترسره شوې، حتى هغه موارد ئې هم چي ځينو ډلو ئې مسئوليت په غاړه اخيستى، او هغه هم داسي چي پلان ئې د دې رياست له لوري جوړ شوى، عامل او فاعل ئې د همدې ادارې غړى دئ خو د بريد راپور ئې يوې ډلي ته سپارلى او هغې هم له غور پرته د پېښي مسئوليت منلى.

  • كومه جهادي ډله او جبهه چي په خپلي جنگي سټراټيژي كي دا ترتيب مراعات نه كړي، د بهرنيو ځواكونو پر ځاى د دوى له ذليلو افغاني استخدام شوو ځواكونو سره جنگېږي، د اشغالگرانو په شتون كي خپل امكانات، وسائل، جنگيالي په نورو جگړو كي كاروي، اشتباه كوي، هم د قرآن د لارښوونو خلاف عمل كوي او هم د عقل او تدبر د حكم خلاف.

  • مونږ ټولو افغانانو مخصوصاً مجاهدينو ته بلنه وركوو چي راشئ له دې بحران نه د هېواد د ايستلو لپاره يو بل ته د ورورۍ لاس وركړو، افغانستان د ټولو وروڼو قومونو گډ كور وگڼو، جگړه د تل لپاره پاى ته ورسوو، د پرديو د لاسوهنو مخه ونيسو، داسې سرلوړى او خپلواك افغانستان جوړ كړو چي د نړۍ هيڅ ځواك هغه ته په كږو او خيرنو سترگو د كتلو جسارت ونه كړي، له نورو سره د سيالۍ جوگه وي او هيچا ته ئې د احتياج لاس اوږد نه وي.

سرلوړي دې افغانان    بريالي دې وي مجاهدين

 

حكمتيار

افغانستان

لوى اختر1389

 

د طالبانو څخه مجاهدینو لپاره لایحه

 

د افـغـانستــان اسـلامــي امــارت

 

دارالانشاء

 

د مجاهدینو لپاره لایحه

 

بسم الله الرحمن الرحيم

 

نحمده ونصلې على رسوله الكريم.

امابعد: فقد قال الله تبارك و تعالى:  {يَا أَيُّهَا الَّذِينَ آمَنُواْ أَطِيعُواْ اللّهَ وَأَطِيعُواْ الرَّسُولَ وَأُوْلِي الأَمْرِ مِنكُمْ فَإِن تَنَازَعْتُمْ فِي شَيْءٍ فَرُدُّوهُ إِلَى اللّهِ وَالرَّسُولِ إِن كُنتُمْ تُؤْمِنُونَ بِاللّهِ وَالْيَوْمِ الآخِرِ ذَلِكَ خَيْرٌ وَأَحْسَنُ تَأْوِيلاً }سورة النساء آية۵۹

دالله تعالى په لاره کې جهادكول هغه عظیم الشان  عبادت اوستره فريضه ده چې په كولوسره يې داسلامي امت عزت اودالله تعالى دكلمې لوړوالى راځي، جهاد دمسلمانانود کامیابۍ او عظمت  هغه لوړ عزم دى چې له بركته يې د اسلامي امت دسيادت او سعادت شمله رپيدلى شي، كومو ولسونو چې  جهاد كړى هغوئ دخپلواكۍ او آزاد ژوند  له الهې نعمته برخمن شوي خو برعكس دامو هم له تاريخي پيښو زده كړي، چې كوم ولس توره په تيكي كې ننه ايستې  دجهاد او شهادت لاره يې پریښې، پرته له دې چې  د غلا مۍ او اسارت  توهين آميز ځنځیر یې غاړې ته لویدلی  وي بله ګټه يې نده ترلاسه كړې .

اوس چې مجاهدين دكلمة الله داعلاء، دخپل مسلمان  ولس او اسلامي امت دسرلوړي په تكل دمقدسو وينو نذرانې وركوې ددې اړتيا تر هروخت ډيره محسوسيده چې دروښانه  جهادي تګلاري دلاښه ځليدا  لپاره يوه داسې جامع او هر اړخيزه  لایحه يا اصولنامه دهر مجاهداو مسلمان په لاس كې وي چې له كبله  يې هغه وكړاى شي چې خپل هدف لاښه مشخص او دشريعت دقوانينو په رڼا كې داسلام ددښمنانو اوددوئ دمرستندويانو كوايف  په ګوته اوپه اړه  يې د تصميم نيوني  اود وروستۍ پرېکړې په لاركې ټول شته ابهامات  او شبهات  قلع او قمع كړي .

 چې  دا دى ددې ضروري اړتیا له مخې داسلامي امارت مشرتابه دهيواد له جيدو او  نوماندو علماؤ، مفتيانو پوهانو او اهل خبره  اشخاصو سره له مشورو وروسته دمحمدي (ص)غراء شريعت په رڼا كې دا لایحه او اصولنامه  په ( ۱۳) برخو او(۶۷) مادوكې تصويب كړه چې مراعاتول او په عمل كې پلې كول يې د اسلامي امارت د هر مسؤل او مجاهد مكلفيت او وجيبه ده  چې  په جهادي چارو كې به ددې لایحې دمقرراتو او موادو په رڼا کې  خپلې چارې سنبالوي  او په تمامه معنى  به ټول مسؤلين او مجاهدين  ددې اصولو  او  لوایحو بشپړ پابندوي.

لـــومـــړۍ بـــرخه

دامــن ورکـولـو  مســائــل

 

1 – هرمسلمان کولاى شې چې دكابل د مزدورې ادارې كاركوونكواو واكمنو ته  دعوت ورکړي ترڅو هغوئ په دې  فاسدې ادارې كې دندې  او وظائف پريږدي او ورسره مقاطعه   وكړي،که چادا ډول  دعوت قبول کړبیابه دولايتي مسؤل یاولسوال په  اجازه دامنيت   ضمانت ورکول كيداى شي، البته هغه كسا ن چې په اوسنۍ  مزدوره ا داره كې يې  مسؤلیت ترسره کړی وي اویایې په انفرادي توګه  مسلمانانوته ډیرضرر رسولى وي یوازې د  ولایت دمسؤل په اجازه امن وركول كيداى شي.

 

۲کومو کسانوته چې امن ورکړل شي  که دغو کسانو دخپل اقتدارپه وخت کې ( چی له کفارو یا د هغوئ له غلامې ادارې سره یې کار کاوه) دچا مال یا نفس ته تاوان رسولی وي اوس  دى دالله تعالی له جانبه مکلف دی چې حقدار ته خپل حق ورکړي اوکه یې ورنه کړي نو ګنا ه ګار دی، البته  محکمه اویا بل څوک  د هغه جرم تاوان په زور نشي ورڅخه اخستلای اونه هم سزا ورکولای شي، خو که  داقتدار په وخت کې يې  دچامال وړی وي اواوس عین هغه مال ورسره موجود وي  نودمال اصلي مالکان خپل مال  ورڅخه اخستلای  شي او که عین هغه مال  ورسره موجودنه وي بیاتري په زوره تاوان نشي  اخستلای، البته که یې  داقتدار په وخت کې یاله هغه مخکې له چا څخه قرض  یا نور پلورل اوپيرودل په رضا کړي وي اوحق یې ورباندې پا تې وي دهغه طلب ترې کیدای شي اوكه يې محکمه په دا ډول شخصي موضوعاتو کې طلب کړي نو دا شخص به  ورته حاضریږي .

۳هغه څوك چې ددعوت  يا بلنې دمنلو څخه وروسته پر خپلو ژمنو وفا ونکړي او ښکاره غدر وکړي له نوموړي سره شوې وعده لغوه  او د دوهم ځل امن  وركولو په صورت کې  دولایت له مقام څخه اجازه اخستل ضروري ده .

۴کوم شخص چې د يرغلګرو او د هغوئ د ګوډاګۍ ادارې سره همكاري پريږدي او مجاهدين يي تضمين وکړي بيا که کوم مجاهد دغه شخص ووژني  او یا کوم نقصان ورته ورسوي، د داسې عمل کوونکي سره به د اسلامي اصولو په رڼا كې چلند کیږي .

۵داوسنۍ فاسدې ادارې كوم مربوط شخص که دمسلمانانو په قتل تورن وي، مسلمانان هم ورڅخه كركه او نفرت لري او د مقابل لوري له ليكو څخه راووځي، مجاهدين دې له داسې کس څخه  دبیرته نه اوښتلو او چاته دضرر نه رسولو ضمانت واخلي او په خپل صف کې دې دیوه مصلحت له مخې ځای نه ورکوي، نوموړی دي خپل عادي ژوندکوي، خوبیا هم دولسوالۍ مسؤل په دې مکلف دی چې  په نوموړي باندې تر پوره  باور او اطمينان پورې څارنه او تعقيب وكړي، البته ديوه لوى كار په تر سره كولو لكه  خارجي اشغالګر یا لوړ پوړي چارواکې ووژني، یایې مجاهدینو ته ژوندي په لاس ورکړي، یا هم په زیاته  اندازه وسله اومهمات مجاهدینو ته راوړي بیادې د زيات  امتیاز د وركولو لپاره مشرتابه ته معرفي كړاى شي .

۶كه دمخالف لوري  څخه څوك  له کوم مجاهد نه وغواړي چې زه به مجاهدینو ته په مخالف صف كې خدمت کوم خوته اوستا دخپل  دلګي يا ګروپ  مجاهدين دې ماته تكليف  نه رسوي مجاهدينو ته  دارتباط په صورت کې یوازې د دا ډول خاص امن  ورکولواجازه شته، عمومي امن نشي ورکولای، اوهم به  دداسې ارتباط په صورت کې مجاهد دخپلې ولسوالۍ دمسؤل څخه اجازه اخلي او ولسوال بيا د والي څخه  په اجازه اخستلو مکلف دى، له دغه امن  وركونكې شخص اودلګي څخه پرته نور مجاهدین دنوموړي شخص دمرګ یا تکلیف ور رسولو په صورت کې هيڅ مسؤلیت نه لري ځګه چی نوموړې ته خصوصي امن  ورکړل شوی  وو.

 (دوهمه برخه شهامت وب پاڼی نده چاپ کړی) 

دريــــمـــه بــــرخـــه

دجـاســوسـانــوپــه هـکـلــه

 

13-که چېري پریوه شخص باندې دجاسوسۍ ثبوت پيدا شي  هغه په اوسني وخت کې ساعي بالفساد بلل کیږي، دولایت مسؤل دتعزیر ورکولو اوله وطن څخه دشړلو اويا په کومه مناسبه طریقه سره دنوموړي شخص له جاسوسۍ څخه دبندولو صلاحیت لري،  دنیول شوي جاسوس وژل  دامام يانائب امام صلاحيت دى بل څوک يې  دوژلو حکم نشي کولای .

 

۱۴هركله چې  جاسوس دساعي بالفساد په بڼه يا مفهوم وپيژندل شو نو  په لاندې څلور ګونو طريقو يې ثابتول حتمي دي.

 

لــومـړى :            چې  دوه كسه شاهدان  پري  د جاسوسۍ  شهادت وركړي  .

دوهـــم :              نوموړى په خپله خوښه  له اكراه او زور پرته پر خپل ځان دجاسوسۍ اعتراف  او اقرار وكړي .

دريــم :                                          هغه قرائن  (اسناد) چې د  غالب ګمان دپيدا كيدو سرچېنه بلل كيږي    لکه د جاسوسۍ ځانګړي آلات (سامانونه) چې  د جاسوسۍ لپاره په خاصه  توګه  استعمالیږي  او جاسوسان  تري  دجاسوسۍ لپاره  استفاده كوي اوداسې نور ې علامې .

 البته دقرینې حالت هرڅوک نشي معلومولای ، نو دمحکمي دوجود په صورت کې به قاضي او د نه موجوديت  په صورت کې به دنظر خاوند، مدبر اومتدین مسؤل دقرینې  قوت اوضعف ته وګوري، که قرینه ضعیفه وه په تعزیر کې دې  تخفیف (سپكوالی) راولي اوکه قرینه قوي وه نو  دقرينې دقوت په اندازه   دي  تعزیر سخت كړي،  تردې که قرینه دومره قوي وه چې پوخ یقېن يې افاده كاوه بیا که یې امام یا نائب امام په وژلوکې مصلحت وليدنو  وژلای یې هم شي.

څــلـورم :              خبر عدل، عدل هغه کس ته ویل کیږي چې  ډیر انصاف دار ه وي، تعصب لرونکی نه وي    له کبائرو (لویوګناهونو) څخه ځان ساتي او په صغائرو (کوچنیو ګناهونو) استمرار (دوام)   نه کوي ..

 

۱۵په زور یعني وهلو، ویرولواونورو تکالیفو ورکولو اقرار اخستل اعتبار نه لري او نه  هم جرم پرې ثابيتېداى شي، كه مجاهدین له نوموړي شخص سره  داسې وعده وكړې چې که اقرار  دي وکړ بیا به  امتياز درکړو دا ډول وعدې دوه قسمه دي یو یې هغه دي چې اکراه اوزور تري  معلومیږي  لكه اقرار اخستونکی ورته ووایې چې که تا  اقرار وکړ بیا دې نه وژنو، یادي نه وهو، یادي پریږدو اونه دې بندي کوو.

نوموړي متهم  ته  دا ډول ژمنې وركول   له ده  څخه پر اقرار اخستلو باندې یو قسم  اکراه (زور) دی ځکه چې متهم فکر کوی چې که اقرار ونه کړي نو بیا وژل کیږي، یا وهل کیږي او  یا هم بندي کیږي په دغه صورت کې  يې که  اقرار وکړ نو اقرار یې اعتبارنه لري، خوپه وعده باندې وفاورسره لازمي ده.

دوهم قسم هغه وعده ده چې اکراه (زور) تري نه  معلومیږي لكه  ورته ووایې چې که دې اقرار وکړ پیسې به درکړو اویابه کوم منصب اومرتبه در کړوپه دغه صورت کې که اقرار وکړې اقرار یې اعتبار لري  او وعده ورسره پوره کول لازمي ده، البته اقرار اخستونکي باید دینداره او باتدبیره اشخاص وي چې په اکراه (زور)سره داقرار مخه ونیول شي ځکه چې د اجبار او زور اقرار په شريعت کې اعتماد او اعتبار نه لري  .  مجاهدین باید داسې وعدي له چاسره  ونه کړي چې دپوره کولو اراده  یې نه لري.

همدا رنګه  په نورو خلکو باندې یوازې دجاسوس اقرار یا شاهدي بسنه (کفایت)  نه كوي  پدې صورت  كې  هم په  (۱۴) ماده کې یادې شوي څلور طریقي  دتعميل وړ دي  او بايد دهغو په رڼا كې اجرآت تر سره شي .

 

۱۶كه د مجاهدینو په چا باندې دجاسوسۍ شک پیداشي اوهغه سړى په غلامه اداره كې ښکاره وظیفه ونه لرې اومجاهدین یې پرضداقدام کول ضروري وبولي نو د ولایت له مسؤل څخه به اجازه اخلي.

 

۱۷که کوم کس په جاسوسۍ باندې متهم وي اوجرم یې دشرعې اصولو په رڼا كې  پوره نشي ثابتیدلای خو مجاهدین ترې اندیښمن وي او په اړه یې شکوک لري د ولایت مسؤل کولای شي چې له دغه شخص څخه پوخ تضمېن واخلي، پوخ تضمین دا معنی چې د اړوندې سيمې اعتمادي خلك  او د نوموړي کس خوا خوږي  کسان یې ضمانت  وکړي او یایې له وطن څخه وشړي .

 

۱۸كله كه كوم مجرم  په قتل محکوم او دوژلو حكم يې شوى وي هغه كه جاسوس وي، که بل اسير وي اويا  هم مجرم وي  دټوپک په وسېله دې ووژل شي او عکاسي  کول يې ممنوع  دي .

 

څـلـــورمــه بـــرخــه

دښمن ته دلوجيستيکي اوساختماني فعاليتونو دتر سره کوونکوپه هکله

۱۹هغه شخصي موټر چې دکفارو مالونه انتقالوي او یا يې نور خدمت کوي د هغوئ سوزول، اومصلحتا يې پريښودل   هم جائز دي خو د پیسو په مقابل کې يې  پریښودل او استفاده ورڅخه كول ممنوع دي .

۲۰هغه موټروانان (ډرايوران) چې دکفارو مالونه  انتقالوي، د مالونو د انتقال په حال کې که  ونیول شي بیا يې تعزیر يا په اسیر تبادله کول، مصلحتا او يا په پاخه  تضمین  پريښودل د ولایت دمسؤل صلاحیت دی که نوموړي اشخاص نه نیول کیدل بیا يې مجاهدین موټر ویشتلای شي .

۲۱هغه ټیکه داران (اجاره داران) چې کفارو او دهغوئ غلامې ادارې ته  نظامي مرکزونه جوړوي او يا تيل او نور مواد ورته انتقالوي او دمجاهدینو له خبرداري سره سره بیا هم دا کار نه پریږدي  نوکه دا اجاره دار ونيول شي يوازې دولایت  مسؤل حبس اونور تعزیر ورکولای شي، په اسیر یې تبادله کولای شي اوهم یې د اړوندې سيمې د اعتمادي خلکو يا د نوموړې  کس دخوا خوږيو کسانو له لوري په قوی ضمانت پریښود لای شي، او که یې دوژلو وړ وبولي نو دمرګ  په هکله به یې له امام يانائب امام څخه هدایت غواړي البته دپیسو په بدل کې یې پریِِښودل منع دي،  او که دا ډول عناصر له خپلو نامشروعوكارونو څخه  نه  بندیږي او نه هم نیول کیږي  بیا چې دهر مجاهد لاس پرې برشې ويشتلاى اووژلای یې شي.   

پــنــځــمــه بــرخـــه

 د غنيــمت پــه اړه

 

۲۲–  غنیمت دمحاربوکفارو هغه مال ته ويل كيږي  چې  په جنګ  كې ونیول شي، په افغانستان کې دغنیمت حکم دادی چې پنځمه برخه به  د ولایت مسؤل ته سپارل کیږي، د ولایت مسؤل به یې دمشرتابه په هدایت دخمس په مصارفو کې لګوي او څلور برخي دهغو مجاهدینو دي چې دجنګ په صحنه  کې حاضر وي او یا د هغو کسانو دي چې لاندې دوه شرطونه پکې موجودوي.

لومړى: همدغه جنګ ته به دومره نیږدې وي چې كه کومک ورڅه وغوښتل شي  نو ور رسیدای شي اوکومک ورکولای شي .

دوهم: همدغه جنګ ته به اراده لري او ورته آماده به وي، دمثال په ډول قومندان دجنګ په نیږدی ساحه کې اماده کړي وي چی که ضرورت شو همدغه جنګ ته مو را غواړم  که دغه دواړه یا یو شرط  موجود نه وي بیا په غنیمت کې ورسره شريك نه بلل کیږي  . 

 ۲۳که له خارجي یرغلګرو څخه د جنګ  په پايله كې  پیسي یااجناس  ونیول شي نوداغنیمت دی او که جنګ ورسره ونشي اومجاهدین پري  غالب اومسلط شي بیا” فئ ” ګڼل  کیږي اوبیت المال ګرځي.

۲۴دغلامي ادارې مالونه که بهرنیانو  ورکړي وي او مجاهدینو ته په لاس ورشي حکم یې داسې دی لکه له خارجیانو څخه چې ونیول شي، اوکه دامالونه دافغانستان له پخوانیو حکومتونو څخه پاتې وي او یایې له داخلي  عوائدو څخه تر لاسه کړي وي بیت المال  بلل کیږي،البته دشک په صورت کې چې مجاهدین یې  تفكيك (بيلوالی) نشي كولاى بیا دې ددغو مالونو په هکله دولایت له مسؤل څخه هدایت وغوښتل شي، كه مجاهدینو په جنګ كې نیولی وه، والي به یې دامام یا نائب امام په امر دغنیمت په شکل تقسیم کړي ترڅوپه دغه شکمن حالت کې ديوې خوادامام یانائب امام په شرعي صلاحیت سره د جواز په لاره عمل شوی وي اوله بل اړخه به مجا هدين  احتياطاله خیانت څخه ساتل شوي وي.

اوکه یې له جنګه پرته  نیولي وه بیا خو په هر صورت کې بیت المال بلل کیږ ي د امام یا نائب امام په امر دجهادي ضروریاتو په پوره کولو کې مصرفيږ ي .

۲۵هغه پیسي چې له عمومي خزانې ((بانك)) څخه راایستل شویې وې او دمعتمد په لاس کې وې  او تر دې  وخت پوري یې مزدورانو او مامورینو ته نه وې تقسیم کړې که دخارجیانو پیسې وې حکم یې داسې دی لکه مستقیما چې له خارجیانو څخه ونیول شي او که د غلامې ادارې څخه یې را ایستلې وي حکم یې داسې دی لکه دادارې څخه چې یې ونیسي، البته که دا پیسې مامورینو او مزدورانو ته ورکړل شویې وې بیا یې دغه مامورین اومزدوران  مالکان ګرځي امام او د ولایت مسؤل کولای شي چې دغه کسانو ته تعزیر ورکړي خودغه پیسې ورڅخه اخيستل کیدای نشي، دمؤسسودمزدورانو اجرت (مزدوری ) هم دا حکم لري.

  26– ددښمن هغه مالونه چې په ځینو صورتونو کې غنیمت ګرځي که یې مجاهدین کاروانونه له لارو څخه په جنګ راوګرځوي او ویې نیسې خوغنیمت دي اوکه یې بي جنګه ونیسي نوبیا یې دوه صورتونه دي: یو دا چې  د امنيتي عسكرو پرته  مالونه انتقالوي:   په دې صورت کې نیول شوي مالونه فئ دي بیت المال ګرځي, بل دا صورت دی چې  د انتقال پر وخت  کې امنیتي عسکر ورسره وي لکن مجاهدین  بي جنګه پرغالب شي په دې صورت کې دې بیا دولایتي مسؤل له لورې احتیاطا دامام یانائب امام په اجازه دغنیمت په شکل تقسیم شي .

 شپـــږمــه بــرخــــه

د تشـكيــلاتــو پـه هــکلــه :

 

27-  ولایتي مسؤلېن مكلف دي چې په ولایتي سطحه  داسې کمیسیون جوړکړي چې غړي يې دكار اهل او تعداد یې له پنځو تنو څخه کم نه وي،  ولایتي کمېسون دې د ولسوال په څنګ کې هم دولايتي مسؤل په موافقه د ولسوالۍ په سطحه دا ډول کمیسونونه جوړکړي، چې د دواړو کمیسیونونو ځینې غړې به دهغوئ د کار په ساحه کې حاضروي.

۲۸ – د ولا یتونو او ولسوالیوکمیسیونونه به د خپلو نورو کارونو ترڅنګ دمجاهدینوپه ليكو كې دبدو خلکو څارنه کوي او والي ته به یې معرفي کوي، د مجاهدینو د خپل مینځي اختلافاتو او دولس او مجاهدینو تر مینځ د اختلافاتو د حل کولو کوښښ به کوي او د اسلامي امارت د ټولو فرامینو او لوايحو د تطبیق څارنه به کوي، دتخلف کونکو د متوجه کولو او اصلاح کوښښ به کوي او دنه اصلاح کیدو په صورت کې به یې والي ته معرفې کوي.

 29- په کومو ولسوالیو کې چې د اسلامي امارت د مجاهدینو فعالیتونه بارز او څرګند دي دولسوال په حیث دې مسؤل ورته تعین كړاى شي، ولسوال دې بیا د مافوقو ((لوړ رتبه)) مسؤلینوپه موافقه یو داسې کس د ولسي چارود ترسره کولو دپاره دمعاون يا مرستيال  په حیث تعین کړي چې  په نظامي چارو کې يې مصروفيت ډيرنوي،تریوه حده په ولسي چاروبلداوتجربه کار وې اوهم یې خلک په اسانۍ سره پیداکولای شي .

۳۰د نویوګروپونو او دلګیو جوړول بنددي، البته د اشد ضرورت په وخت کې دولایت د مسؤل په غوښتنه او د تنظيمه رئیس په موافقه یې له مشرتابه څخه منظوري اخستل کیدای شي، غیر رسمي او خپلسره دلګي (ګروپونه) دې  په رسمي  دلګیو پوري  مربوط شي اوکه له دي ارتباطه يې  انكاراوسرغړونه کوله بیادې بې وسلي كړاى  شي

 ۳۱د اسلامي امارت ویندویان د اړونده ادارې په وړاندیز د مشرتابه له لورې ټاکل کیږي او هغه به دټول  اسلامي امارت نمایندګي کوي، دولایتونو،دلګیواواشخاصوپه استازيتوب  هیڅوک حق نه لري چې له رسنیو سره خبري وکړي،  ددې اصل  مراعات كول به دبې نظمۍ، ګډوډۍ اوبی اتفاقۍ مخنيوى وكړي .

 ۳۲د هر ولایت مسؤل  دي دولایت په سطحه داسې شرعي محکمه جوړه کړي چې یوتن قاضي او دوه تنه جید علماء اعضاء ولري ترڅو دولایت په سطحه هغه درانه موضوعات حل کړي چې دولسوالیواوکلیوعلماءکرامو او مسؤلینو ته یې حل کول مشکل وي .

۳۳دولایت په تشکیل کې تنظيمه رئیس د والي  په مشوره تغیرات را وستلاى شي  او والي دولسوالیو په تشکیلاتوکې دولسوال په مشوره تغیرات راوستلاى شي اوهم به په نورو اړونده چارو کې دغه اصل په نظرکې نیول کیږي، البته  كه په دغه اړه تر مشورې وروسته دوالي او ولسوال نظرونه موافق نشي والي به موضوع تنظيمه رئيس ته وړاندې کوي، که تنظيمه رئيس او والي سره موافق نه شول تنظيمه رئیس به موضوع مشرتابه  ته وړاندي کوي.

اوومــــه بـــرخــه

 دمجاهدينوخپل منځي موضوعات :

 

۳۴پر مجاهدینو دخپل دلګي (ګروپ) مشر او پر دلګي مشر د ولسوالۍ دمشر او د ولسوالۍ پر مشر د خپل ولایت دمشر او دولایت پر مشر د تنظيمه رئيس او پر تنظيمه رئیس د امام او نائب امام اطاعت واجب دی  په دي شرط چې شرعا جائز وي .

 ۳۵کوم چا  ته چې  مسؤلیت وركول كيږي  نو بايد دا لانديني اوصاف و لري:

تدبیر، تقوی، شجاعت،شفقت  اوسخاوت، د ټولو اوصافو دخاوند د نه پیدا کیدو په صورت کې  دتدبیراوتقوى مراعات لازمي دی.

۳۶که د مجاهدینو په ليكوكې څوك دکوم جرم مرتکب شي، اوخپل دلګى مشر یا ولسوال یې وغواړي چې دجرم له امله یې له صف څخه  وباسې دغه مشران به د نوموړې مجرم موضوع ولایتي کمیسون ته وړاندي کوي، ولایتي کمیسون به یې موضوع په دقیق ډول څیړي که یې جرم رښتيا هم د اخراج وړوه نو ولایتي کمیسون به د والي په موافقه پریکړه کوي، چې تردې  وروسته  به بیا بل څوک حق نه لرې چې دغه ايستل شوی فرد یا دلګى مشر اکمال کړي، البته که توبه يې وايستله  بیابه د ولایتي کمیسون او والي په موافقه په دنده ګمارل كيږي

۳۷دیوې ولسوالۍ یا ولایت کوم دلګى مشر که په بل ولايت او ولسوالۍ کې جهاد کوي کولای يې شي، خو د اړونده ولايتونو او ولسواليو له مسؤلینو څخه به اجازه اخلي او دخوښ كړاى شوي ولایت  او ولسوالۍ مسؤل یې مشر بلل کیږي مکمل اطاعت به یې کوي .

۳۸که کوم والي یا بل مشر له پخوا څخه په بل ولایت کې فعال ګروپ يا دلګى لري  دهغه ولایت مسؤل ته دې خپل دلګى  او مربوطه مجاهدين معرفي کړي چې لدې وروسته به دهغه والي اطاعت  کوي، په اجرآتو کې به له هغه څخه هدایت اخلي، او اکمال به  یې هم دولایت دنورو مجاهدینو په څیر دهغه ولایت مسؤلین کوي، د اسلامي امارت په تشکیلاتو کې عمومي محاذونه بنددي او داسې محاذونه د امارت دتشكيلاتو برخه نه ګرځې .

۳۹که دیوه ولایت کوم دلګی مشر په بل ولایت کې د هغه ځای له مسؤلینو سره دجهاد په چارو كې ملګرتوب كوي اوجهاد کول غواړي نو دنوي ولایت مسؤلین به تر هغه وخته پوري ځاي نه ورکوي او له ځان سره به یې نه ملګری کوي چې ترڅو یې دلومړني ولایت له ولایتي  مسؤل څخه د نوموړي شخص په هکله کره معلومات، اطمینان او موافقه نه وي تر لاسه کړي.

۴۰دلګى مشر(سر ګروپ) داحق نه لري چې دخپل ګروپ يا دلګي د ډیریدو په خاطر د بل دلګي مجاهدین ځان ته دعوت کړي، البته که کوم مجاهد دبل مسؤل سره یوځاى کیدل غواړي کولای شي، خو هغه جهادي اجناس چې پخواني دلګي مشر دجهاد دخدمت لپاره دغه ليوال شخص ته ورکړي وي او یا هم ددوئ په ګډه ملګرتیا کې نیول شوي وي او د دلګي حق پري ثابت شوى وي هغه اجناس به مخکېني دلګى مشر ته خامخا ور پر يږ دي .

۴۱داستشهادي بریدونو په هکله باید لاندينۍ څلور خبرې په نظر کې ونیول شي.

لـومـړى:                          استشهادي مجاهد باید تر برید مخکې  په ښه ډول تربیه شي.

دوهــم:               استشهادي حمله دې په لوړو او اهمو اهدافوترسره شي او د اسلامي امت دغه اتل بچى بايد په ټیټو او بي ارزښته اهدافو کې ونه کارول شي.

دريـــم:                              په استشهادي بریدونوکې  بايد دعامو خلکو د وژل کیدو او تلفاتو دمخنیوي زيات کوښښ  و كړاى شي.

څـلــورم:                                ماسیوا له هغو مجاهدینو چی د مشرتابه له لوري خصوصي پروګرام او اجازه ورکړل شوې وي نور ټول مجاهدین  مکلف دي چی په استشهادي بریدونو کې به دولایت له مسؤل څخه اجازه اوهدایت اخلی.

 اتـــمــه بــرخــه

 دتـعـليــم اوتـربيـې موضــوع

۴۲دتعلیم اوتربیې په اړوند به د اسلامي امارت په تشکیلاتو کې دتعلیمي کمیسیون له پروګرام او اصولو سره سم چلندکیږي، د ولایاتو او ولسوالیو مسؤلین به دتعلیمي چارو د پر مخ بیولو په لړ کې د نوموړې کمیسیون له تګلارې سره سم عمل کوي .

 

نــهــمــه بــرخــه

د مــؤسـسواوشــرکتـونـوپــه اړه

 

۴۳ولایتي مسؤلین به دمؤسساتو او شرکتونو په اجرآتو کې دمؤسساتود اړوندکمیسون په هدایت اجرآت کوي، البته کمیسون دمربوطه ولایت دمسؤل په مشوره مکلف دی، دنظر دنه توافق په صورت کې به له مشرتابه څخه هدایت غوښتل کیږي، دولایت، ولسوالۍاودلګۍ مسؤلین په خپل سر دپرېکړې  حق نه لري .

لـســمـــه بـــرخــه

ولــسي مــوضــوعــات

 

۴۴دسيمو اوسيدونكيو كه چېرته دحقوقي او په نورو خصوماتو كې دقضيې دحل په موخه مجاهدينو ته عريضه وكړه نو هر دلګی مشر دا حق نه لري  چې دعامو خلكو په موضوعاتو کې مداخله وکړي، البته یوازې د ولایت مسؤل، د ولسوالۍ مشریا دهغه مرستيال  کولاى شي چې دعارض په  عرض پاڼه غور وكړي او د اړونده مراجعو دلارې دي لومړى د منځګړو په توسط  په سولې او مشروع جرګه موضوع حل  اوفصل کړي،اوکه صلح يا د مصلحينو جرګه  ممکنه نه وه  بيا دي  دمحکمې دشتون په صورت کې  محکمې  ته راجع کړي، او كه  محکمې شتون نه درلود نو پدې صورت كې دې   دجیدو علماء کرامو دنظر موافق اجرأت وکړي.

۴۵داسلامي امارت په واکمنۍ کې چې کوم موضوعات اودعوي فیصله شوي دي په اوس وخت کې دهغو موضوعاتو بیا را ژوندي کول او څېړل بنددي، که څه هم یو طرف پري قناعت ونه لري، ځکه چې داوسنیو شرایطو په تناسب په  هغه وخت کې دزیات عدل امکانات برابر وو.

۴۶د ولایتونو،ولسوالیو، دلګیو مسؤلین او نور ټول مجاهدېن دې په خپل ټول توان سره دعامو خلکو دمرګ، ژوبلي او دهغوئ دموټرو او نورومالونو دضایع کېدو سره احتیاط کوي، دبې احتیاطۍ دکولو په صورت کې هر يو په خپل نوبت اوحیثیت سره ذمه وار بلل کیږي او دکړي جرم په اندازه به سزا ورکول کیږي.

۴۷که کوم مسؤل یاشخص د مجاهد له نوم څخه په استفادي عامو خلكو ته ضرر رسوي نو مافوق مسؤل يې په دې مکلف دى چې همدا فرد یا مسؤل اصلاح کړي، دنه اصلاح کیدلوپه صورت کې دې د ولایتي مسؤل له لوري د مشرتابه مقام ته معرفي کړي، مشرتابه به دخپل لزوم دیدسره سم سزاورکړي اویا که لازم وبولي دمجاهدینو له صف څخه  به یې خارج كړي . يــوولـسمـــه بــرخـه

د مـمنــوعـاتــوپــه هـکلــه

 

۴۸څرنګه چې دوسلو دټولولو بهیر دتحریک له پیل څخه بیا تر اوسه پوري په شدت سره روان وه، همدا تصفیه  کافي او بسنه كوي، تردې  وروسته بايد  له چا څخه دبیت المال په نامه دتصفیې په عنوان په زور وسلې  وانه خستل شي .

۴۹مجاهدین بايد  له پخواني حکم سره سم دسګريټ له څکولوڅخه په کلکه ډډه وکړي .

۵۰لغړزني (هغه  څوك چی دكم عمرۍ له وجې يې ږیرې  نه وي راغلې) له ځان سره په هستوګن ځايونو او نظامي مراكزو کې اوسول بنددي .

۵۱دمقدس شریعت په رڼا کې دانسان مثله ((غوږونه، پوزه، شونډي))  پري کول سخت منع دي، مجاهدین دي د دا ډول اعمالو څخه په کلکه  جلوګيري  وکړي.

۵۲داسلامي امارت مجاهدین دي له چا څخه په زور عشر، زکات اوچنده نه ټولوي اوخلک دې آزاد پريښودل شي  چې څوک یې خوښ وي هماغه ته دي  ورکړي.

 ۵۳مجاهدین دي دخلکو په کورونو کې تلاشي نکوي او که د تلاشۍ کولو سخته اړتيا وي بیا دي دولسوالۍ دمسؤل په اجازه د تلاشۍ لپاره  دکلي د مسجد امام او دوه تنه سپین ږېري دځان سره ملګري کړي.

۵۴د پیسو دپاره دخلکو تښتول که په هر نامه وي ممنوع دي او  دمربوطه سيمې  مسؤلین دي  په کلکه مخنیوی وکړي، که داسلامي امارت له نامه څخه  په استفادې څوک دا ډول عمل کوي دولایت مسؤل  به دغه جنایت کاران  د مشرتابه په هدایت بې وسلې کوي .

دوولــسمــه بــرخــه

تـــوصيــــې

 

۵۵هردلګي مشر ته په کار دی چې دخپلو ملګرو دجهادي تربیې اودیني، اخلاقي تعلیم لپاره بيلا بيل  وختونه تعېن کړي، دجنګ د حالت  څخه په غیر دي  تربیه اودیني او اخلاقي تعلیم نه پریږدي.

۵۶که خطرنه وي مجاهدین دې په مسجدکې په جماعت سره لمونځ ادا کوي، او که مسجد ته تلل مشکل وي په خپلوهستوګن ځایونو کې دې په جماعت سره لمونځ  کوی. تلاوت اوذکر ته دې خاصه توجه کوي  ځكه په تلاوت او ذکر سره په زړونو  کې اطمينان او قوت پیدا کیږي .۵۷مجاهدین دې خپل فکري قوت نظامي اړخ ته متوجه کړي، دسيمه ايزو شخړو او د ولسي مسائلو څخه دي ځانونه وساتي، ځکه  له یوې خوا دا كار مصروفیت راولي او دبلې خوا په خپل منځ  اوهم له ولس سره دبدنیتۍ سبب ګرځي،البته که ډیره ضروري موضوع وه په (۴۴) ماده دې عمل وكړي .

۵۸داسلامي امارت ټول کارکونکي دي کوښښ وكړي چې دمخالف لوري غوليدلي  کسان تسلیمیدو اووسلې ایښودلو ته تشویق کړي اوبیا دي ورسره په شویو وعدو وفا وکړي، په دې سره به له یوې خوا ددښمن صف کمزوری شي او  له بلې خوا به د داخلي کسانو له لوري پراته خنډونه کم شي او هم به په ځینو مواردو کې مجاهدینو ته وسلې اومهمات په لاس ورشي .

 ۵۹مجاهدین مکلف دي چې دولسي وګړو سره ښه اخلاق اوښه چلند وکړي او د عامو مسلمانانو زړونه دې ځانونو ته رانیږدې کړي، او د يوه مجاهدپه صفت دي داسلامي امارت دا سې استازيتوب  وکړي چې ټول هیوادوال ورته هر كلى ووايې  اودهمکارۍ  او مرستي لاس  ورکړي.

۶۰مجاهدین دې ځانونه دقومي، ژبني، او وطني تعصب څخه وساتي،  له حضرت ابو هريره رضى الله عنه څخه روایت دى چې وايې  ماله رسول الله صلی الله علیه وسلم څخه واوریدل چې فرمایل یې: (ومن قاتل تحت رایة عمية يغضب لعصبية او يدعو لعصبية او ينصر عصبية فقتل قتلة جاهلية) [جز‌‌ء من الحدیث] مشكوة 319 .

ژباړه: څوک چې تر نامعلوم بیرغ لاندې جنګیږي (یعني چې ښه اوبد یې  معلوم نه وي اوبي بصیرته پکې روان وي) او څوک چې دقومي تعصب له وجهي غوصه (قهر) کوي (نه دکلمی دلوړ والي دپاره) او یا قوم پالني  ته خلک دعوتوي  (نه د الله تعالی دپاره) او یا د قومیت دپاره چاته کومک ورکوي (نه دالله تعالی دپاره)بیا ووژل شو نو وژل یې یوه نوع دجاهلیت ده (یعني لکه تراسلام مخکې چې مړه شوي دي).

۶۱ما فوق مسؤل کولای شي چې له خپل ما تحت مسؤل سره وخت په وخت دجهادي اجناسو اومالي مصارفو په هکله محاسبه وکړي

۶۲دولایت مسؤل دې دولایت په سطحه، او د ولسوالۍ مسؤل  دې د منطقې له شرائطوسره سم په مناسب وخت کې له اړونده مسؤلینو سره دشویو عملیاتو او نورو کړنو دلاسته راوړنو او نواقصوپه هکله مشوره کوي تر څوپه راتلونکې کې دلاښوکامیابیوپه هکله په زړه پوري پروګرامونه  جوړکړي اوله تاوان څخه مجاهدين وژغوري .

۶۳–  مجاهدین دې دشریعت په چوکاټ کې خپله ظاهري بڼه لکه دسر ویښته، جامې، بوټونه اونور  دسیمې دعامو خلکوپه شکل جوړ كړي، چې له یوې خوا مجاهدینو اومحلي خلکو ته له امنیتي اړخه  ګټه ورسوي  اوله بلې خوا به مجاهدین په اسانۍ سره وكړاى  شي چی هرې خواته ولاړشي

ديـــارلـسمـــه بـــرخــه

دلايحې په هکله سپارښت

 ۶۴ددې لايحې په  يادو شويومادوکې دتغیر او تبدیل صلاحیت یوازې داسلامي امارت له مقام اود اسلامي امارت له رهبرۍ شوری سره دی،بل څوک که دکومې مادې دبدلولواویادهغې په خلاف دعمل کولواجرأت وکړي عذریې دمنلو وړ نه دی.

۶۵مرکزي نظامي کمیســونو نه ،دولایاتو او ولسوالیوکمیسیـونونه  مجاهدینو ته ددغــې لايحې  درسولو اوتطبیقولو دنده لري .

۶۶که چیري داسې یوکار دمجاهدینو مخې ته راشي چې  لايحه کې پري  بحث نه وي شوی، دولسوالۍ دموجوده مسؤلینو په مشوره دې حل کړاى شي، البته که بیاهم موضوع حل نشوه دولایت مسؤل ته دي  مراجعه وکړي، او که  له هغه سره هم دحل لاره نه وه له تنظيمه رئيس څخه دې هدایت وغواړي، اوکه بیا هم حل نشوه تنظيمه رئيس دي له مشرتابه څخه  هدایت وغواړي.

۶۷په پورتنیو مادو عمل کول لازم اوضروري دی، که څوک تري  سرغړونه  يا  تخلف وکړي له هغه سره به داسلامي اصولوسره سم چلند کیږي

   ومن الله التوفیق 

له طالبانو څخه یوه جدی هیله

 

له طالبانو څخه یوه جدی هیله

ګرانو وروڼو لکه څنګه چي تاسی پرون شاهدان وی، پرون د کابل هوایی ډګر ته په ورغلی سړک ځان مرګئ برید، وشو، او د یو څو تنو بحرنیو تر څنګ زمونږ ګڼ شمیر هیوادوال شهیدان شول، که چیری ددوی شمیر لس کسان ومنو، نو لس کورنئ د ویر او غم په ټغر کیناستی، راتلونکی اختر ته بیا د هفو یتیمانو شمیر زیات شو، چي خپل پلارونه غواړی، هفه زنانه چي د کور بل کفالت کونکئ نه لری او میړونه یی په دغه پیښه کی شهیدان شول، هفه به وروسته له دی هر چا ته محتاجی وی، په دغه سړک دومره زیات بیروبار وی، چي ډیره مشکله ده چي له بحرنیو موټرو سره سړئ فاصله ونیسی، نو کله چي حمله کونکئ حمله کوی، هغه په دی ښه پوهیږی، چي لس پنځلس کسه هیوادوال به شهیدان کیږی، آیا د یوه مسلمان وینه هم زیات اهمیت نه لری؟؟؟

کوم بم چي د انتخاباتو څخه وړاندی، د ای،اس،اف د قوماندانئ مخکی وشو، هم ټول غریبان پکی شهیدان شول،

لکه چي وینو کفار هر ځل په لس هاوو، هیواد وال شهیدان کوی، آیا وروسته له هغه چي طالبانو ته د هغوی مشر امیر، هم د ملکی تلفاتو، د مخنیوئ سپارښتنه کړی باید دوی احتیاط ونه کړی؟

کوم خلک چي په کندز کی شهیدان شول، او یا پرون کابل کی، څه توپیر سره لری، هلته د کفارو بمباری ددوی د شهادت سبب شوه، دلته د طالبانو ځان مرګئ برید.

د کابل له ښار څخه وتلی ډیر داسی ځایونه دی چي طالبان هلته هم خپل عملیات کولائ شی، هم عام اولس ته خطر نه وی متوجه.

د یادولو وړ ده چي په وردګو ولایت کی هم ډیری داسی پيښی کیږی، چي طالبان اولسی کورو ته نیږی، عملیات کوی، او هیڅ د خلکو فریاد ته غوږ نه ‌‌‌‌نیسی، په ځواب کی ورته وای، چی زمونږ سرونه ځی، ستاسی خو د هسی لاړ شی.

هیله ده چي بحرنیانو او طالبانو ته د افغانانو وینه یوه بیه و نه لری

دنیکمرغه کوچني اخترددرارسیدوپه مناسبت

 دنیکمرغه  کوچني اخترددرارسیدوپه مناسبت

دعاليقدرامیرالمؤمنین دمبارکۍ پیغام  

بسم الله الرحمن الرحیم

الحمدلله الذي أعز الاسلام والمسلمین واذل الشرك والمشرکین   والصلوة علی قائدالمجاهدین  اشرف الانبیاء    والمرسلین    وعلی اله واصحابه و من اهتدى بهديه اجمعین  . امابعد!

يقول الله عزوجل :{ قُلْ إِنَّ صَلاَتِي وَنُسُكِي وَمَحْيَايَ وَمَمَاتِي للَّهِ رَبِّ ٱلْعَالَمِينَ }الأنعام 162  

په غږ کي

دنيکمرغه كوچني اختر د رارسيدو اودروژې دمقدسې فريضې داداکولو په مناسبت اتلومجاهدينو،متدين ولس اوداسلامي سنګر دمبارکو شهيدانوکورنيواوټول مسلمان    امت ته دزړه له کومې مبارکي وايم؛ الله جل جلاله مو ټول عبادتونه اوقربانۍ قبولې اودامت مسلمه دغه دمينې،اخوت اوخوښي نیکمرغه ورځې دي پرمونږ اوتاسوټولو په خوشحالي،سوکالي اود اشغالګر دښمن په وړاندې په بر لاسي تيرې کړي (امين)

دجهاد په وياړلومرچلونوکې مو دسږني کال تاریخي فتوحات اوسوبې هم مبارک شه!

متعال خدای جل جلاله دي په دې مقدسه لاره کې دټولوشهيدانوشهادتونه اودمجاهدينوتکليفونه قبول کړي  ؛  له فرصت نه په استفادې سره لاندې څوخبرې د وخت داړتياپربنسټ ديادونې وړ ګڼم  . 

الف : ميړني ولس او قهرمانو مجاهدينوته ډاډ ورکوم چې ستاسې د بي دريغه قربانيو په برکت نن د افغانستان د اشغال په اړه  د نړيوال استعمار پلانونه ناکام شوي دي، په تيرواتوکلونوکې د پينتاګون د نظاميانو تر مشري لاندې “ناټو” په افغانستان کې هغه ظالمانه،اوله وحشت نه ډکه پاليسي  پلې کړه، چې د هغې له مخې دوئ باوردرلود چې په پوځي زور او قوت سره به د افغانستان غيورولس ايل کړاى شي ,هغوئ په دې لاره کې ترکيمياوي وسلو پوري  خپله ټوله پرمخ تللې ټيکنالوژي وكاروله،په سلګونوتبلیغاتی مرکزونه یې همدې جګړې ته استخدام ,اوپه  میډیایې په ملیاردونوډالرمصرف کړل ترڅوخپل نظامي قوت وپړسوي اومقابل لوری تر رعب او وارخطایې لاندې راولي، خو دغو ټولو د بشر ضد  کړنو  ونشواى کړاى،چې دوئ ته کاميابي ورپه برخه کړي، بلکې د وخت په تيريدو سره  د يرغلګرو په وړاندې  مقاومت او جهادي يون د يوه قوي اسلامي، ملي حرکت په توګه  ولسي شکل غوره کړ او لا دبري په در شل کې دى.

 اشغالګروته ښايي چې له سکندری یرغله او چنګیزي چپاو نه بيا تر نن پوري د افغانستان تاريخ مطالعه کړي او سبق ورڅخه واخلي ،که تاريخ ته پام نه اړوي نودافغانستان داشغال تيرشوي اته کلونه خويې  په خپلوسترګو وليدل،اياپه دې اتو کلونوکې دوئ کومه ګټه  ترلاسه کړه؟

اوکه ددې ګټې اوتاوان اټکل هم نشي کولای،نو دانيږدې دری مياشتې مخکې چې دوئ په هلمند کې د”خنجراود”پړانګ دپنجې، په نامه خپل ترټولوقوي عمليات پيل کړل دهغونتيجه ګيری خودي وکړي، چې څه يې تر لاسه کړل!؟ اياد دوئ لپاره همدا رسوايي اوهمداتاريخي ماتې  بس نه ده؟

ولسونه که يې په خپله دوه مخې ميډياسره ناخبره ساتلي دي، حکومتونه خويې په حقيقت ښه خبر دي چې ددوئ تلفات كومې کچې ته رسیدلي , اودعسکروپوځي مورال یې په کوم حالت کې دی؟ دښمن که هرڅومره نور پوځونه رازيات کړي نتیجه یې بيا هم په افغانستان کې ددوئ مطلق شکست دی.

پخپله دامريکا اوناټودپوځي سرچېنو اوپه خاصه توګه دنيول شويو پوځيانو له اعتراف نه داڅرګنده شوې،چې ديرغلګروځاني اومالي تلفات له هغه نه څو چنده زيات دي، چې دوئ يې مني    .

په هرحال کومې تګلارې چې دوئ غوره کړې، هغه دغه اوسنی  بحران اوږدولاى شي، خو حل کولاي يي نشي، داځکه چې  په افغانستان کې د بهرنيو ځواکونو يرغل او موجوديت د ستونځو حل نه، بلکې پخپله لويه ستونځه ده.

د کابل په لاس پوڅې اداره کې اداري فساد،اختلاس، دمخدراتودقاچاقبرو،اونورومافيايي شبکو شتون، د جنګ سالارانو زورواکي اودترحه شوي پلان له مخي دفحاشۍمرکزونه تقویه کول د همدغو سازشي او جاه طلبو  استعماري معاهدو(تړونونو) يوه برخه ده چې ولس يې له داسي فقر، لوږې او بيکاري سره مخامخ کړى چې آن د خپلو اولادونو خرڅولوته هم اړشوى دى.

دیرغلګروپه دغوټولوفجائعو سربیره  بله ستره سپين سترګي لاداده چې همدافاسده اوغلامه اداره يې يو وار بياد دروغجنواوله فريب نه ډکوتش په نامه انتخاباتو په وسيله کوم چې دولس دقاطع اکثريت له لوري ردشول؛په دغه  بیوزله اومظلوم ولس باندې يوځل بيا وتپله.

طبیعي خبره ده  چې داقهرمان اوفطرتًاخپلواک ولس ددغوتش په نامه  ټولټاکنو دنامشروعو پایلومنلوته  تیارنه دئ، اومشکلات به نور هم ورسره زیات شي

  له همدې امله تربل هرڅه مخکې بايدپه ګران هيواد کې ديرغلګرو ځواکونو د شتون مسئله حل شي او افغانستان ديوه خپلواک هيواد په توګه  د نړۍ په نقشه وځليږي ؛ځکه د افغانانو خپل منځي  مسائل حل کيداى شي، خو د اشغال په صورت کې ملي او اسلامي منافع د پرديو د ګټو ترسيوري لاندې راځي,اوزمونږ ملي اواسلامي ګټي د نړيوالو استعمار ي دسیسو قرباني کيږي.

 زمونږ هدف د هيواد بيا خپلواکي او هلته دمسلمان ملت دخوښې سره سم د يوه اسلامي عادلانه نظام پلي کول  دى؛ د غه هدف ته د رسيدو لپاره  په هره لاره غوراوتامل کيداي شي او مونږددغه هدف لپاره ټولې لارې پرانستې پرايښې دي، خودابه هغه وخت نتیجه  ورکوي چې هیوادمو داشغالګروځواکونو له  غوبل نه ازاد اوخپلواک وي.

ب : د افغانستان اسلامی امارت  غواړي چې دخارجي قواوو له وتلو ورسته دهيواد ټول اصيل بچيان په حکومت او حکومت جوړونه کې مشاركت ولري ،ځکه د هيواد عمراني ،اقتصادي،سياسي، تعليمي ,فرهنګي او . . .چارې د پوه , مسلکي اوتجربه لرونكو مخلصو افغانانو له ګډون څخه پرته پر مخ نشي تلای.

له نيکه مرغه چې زمونږ ډيرشميرخپلواک ,مسلکي اوباتجربه مسلمان كدرونه  هغه كه دهیواد په داخل کې دي اوکه له هیواده بهر ؛ دیرغلګروله خوا اوسنى اشغال اودهغه په نتيجه كې منځته راغلې اداره نه مني او په خپل هیوادکې ديوه مستقل ،خپلواک اواسلامي حکومت پلويان دي.

اسلامي امارت داسلام د عادلانه ټولنيز نظام تر سيوري لاندې دبهرنيو ځواکونو تروتلو وروسته د هيواددراتلونکي لپاره ګټوراو دقيق پلانونه په پام کې لري  چی په هغو کې دټولنيزې اقتصادي زیربنارغول ،د تعليم پرمختګ او پراختيا،د هيواد صنعتي کول اوزراعت ته وده ورکول شامل دي.

ج :  د افغانستان اسلامی امارت  په هغو کسانو چی د کابل  په  ګوډاګۍ اداره کې فعالیت کوي او  په خپل وجودسره د نړيوال استعمار مټي غښتلې کوي يوځل بیاغږ کوي چې نور د خپل دين، هيواد او اولس له مخالفت نه لاس واخلي، ځکه چي ستاسي په افغاني مټو  اجنبي استعمارګرو زور اخیستی او زمونږ دهيواد اشغال ته يې دوام ورکړي.دغو وحشي یرغلګرو زمونږ ټول اسلامي ارزښتونه ترپښولاندې کړی دعسویت تبلیغ اوترویج ته دمنظم پلان له مخي کارکوی، زمونږ طبعي منابع  په يوه او بل نامه لوټ كوي , او زمونږ هيواد  د ملا ماتوونکوپورونو تربار لاندې  راولی .اسلامی امارت  دهرهغه چا لپاره چې له  هيواد او ولس سره د غدر او خيانت لاره پريږدي د امن لاره پرانستې ساتلې.

دا خبره بايدهرڅوک  په ياد ولري چې دیرغلګروپه مقابل کې زمونږ  روان  ولسي اسلامي انقلاب ديوه ځواکمن سيلا ب په توګه په مخ روا ن دی ؛ هرڅوک چې ددي سيلاب مخې ته دريږي هغه به له مخې ليري کيږي.

ظلم، شکنجې، وحشت ، سازشونه،ائتلافونه،پردي اودکرایې پوځونه ددې خروښيدلي جهادي  يون مخه  نشي ډب کولای ؛ نوښه به داوي چې دخپل ايماني مسؤليت اوتاريخي وياړ دترلاسه  كولو په اساس د خپل ولس  په څنګ کی ودريږئ .

 په خاص ډول په غلامه اداره کې پخواني مجاهدین بایددخپل جهادي  حیثیت اعاده په روان جهادی صف کې  په دریدلوسره وکړي  اودکفاروله لیکوڅخه ځان بهر کړي.

د:  اسلامی امارت  په ټولنیزه اوخپل منځي اصلاح او داسلامي شريعت په چوکاټ کې په  سالمونوښتونو باور لري؛نيمګړتياوو ته متوجه  ، او له  همدې امله  یې خپل ټول مجاهدين دجهادي اصولواولوايحوپه کلک رعايت اوعملی کولومامور اومکلف کړي دي، تر څو ټول  مجاهدين ددې هيوا د دمخلصو بچیانو په توګه  د اسلامي شريعت په چوکاټ کې داسلام،هيواد او ولس ښیګڼوته په پام سره جهادي مبارزه پرمخ بوزي ؛ د دين او خپلواکي د سنګر مدافعين او د ولس داساسي  غوښتنو رښتيني استازي او ترجمانان شي،اسلامی امارت  د خپل صف تصفيه اومحاسبه يوه دائمی اوحتمي دنده بولي .

دا چې دښمن د جګړې په ډګر کې له ماتې سره مخامخ دی  او ليرې نده چې دکاملې ماتې دترخو زهرو جامونه به په سر واړوي، نوځکه خو ديوې وروستۍ هڅې په توګه کوښښ کوي چې په ملت کی دنفاق او اختلاف تخم وشيندي او په دې توګه خپله ماتې په بري بدله کړي، خو الحمد لله دښمن په دې منافقانه هڅه  کې هم له ماتې سره مخامخ دی، ځکه چې  داپه اسلام اووطن مين ولس خپل منځي اتحاداودمجاهدينومرسته خپله ديني فريضه بولي، دګران وطن ازادي خپل حق ګڼي او غربي ميډياته د پينتاګون دلوډسپيکرپه نظرګوري ؛ چې هيڅکله به يې هم په بې اساسه تبليغاتوونه غوليږي.

دمجاهدينوپه اوسنيوبې ساري پرمختګونوکې دولس دمينې،رغبت اوخواخوږۍ ډير ستر رول دى،چې لله الحمد دغه مينه اورغبت ورځ په ورځ زياتيدونکى دى،ځکه خو بايد مجاهدين  هم  هيڅکله ځان دولس نه جلا ونه بولي، دخلګودمال، سراوعزت ساتنه وکړي، هغه کسان چې دمجاهدپه نامه ددښمن په لمسون دولس په مال سراوعزت  تجاوز کوي، د هغوئ  مخه ونيسي.

 همداشان مجاهدينوته پکاردی چې د ولس اسلامی تربيې ته متوجه شي،تر څو هغوئ پخپله خوښه په روان جهاد کې لازياته  مالي او ځاني ونډه واخلی زموږغیرتی ولس دي د دښمن دځینو پوځی ویندویانو په  تشو لاپو  نه تیروځی لکه دبرتانوې پوځ دقومندان هغه وينا چې وايې:   

موږبه په افغانستان کې څلويښت کاله نور پاته شو” بايد يادونه وکړو،چې موږچې تيرځل له ۱۸۳۹ م کال نه تر۱۹۱۹م کال پوري پوره اتيا کاله له انګريزي اشغالګروسره وجنګيدو اوبلآخره موازادي ترلاسه اوانګريزمو مات کړ،نن تر هغه وخت زياته حوصله،نظامي تربیه اوِښه  وسله په لاس کې لرو اودخورا اوږده جنګ امادګي لرواودسيمي حالات هم زموږپه ګټه دي.

 لهذاترڅوچې مو ازادي نه وي تر لاسه کړې ترهغوپوري به  دټولویرغلګرو دشړلو لپاره خپل مقدس جهادته ادامه ورکوو.

 موږچې په مخکنيو ويناووکې دمقاومت دبې ساري چټکتيا اوپراختیاخبر ورکړى وه  هغه تشه تبليغاتي هڅه نه وه ،بلکې دغه چټکتيا هرچاپه عمل کې وليدله.

اوس يوځل بياخبرداري ورکوو چې زموږراتلونکي هجومي عمليات به دډيرو نويوتاکتيکونوسره يوه داسي پړاوته  ورداخل شي چې ددښمن بې ساري مرګ ژوبله اومسلسله ماتې به يې څرګنده پايله وي ان شاالله تعالی.

هـ : اسلامی امارت غواړي چی دمتقابل احترام په صورت کې  له ټولو ګاونډيانو سره ښې اومثبتې اړيکې ولري اوله ټولو هيوادونو سره   ددوه اړخيزي همکارۍ،اقتصادي پرمختګ او ښه ګاونډ يتوب نوی باب پرانيزي، مونږ د استعمار په مقابل کې ټولي سيمې ته د يوه کور په سترګه ګورو، او غواړو چې په راتلونکي کې د سېمي په سوله او ثبات کې خپل رول ادا کړو،ټولو هيوادونو ته اطمنان ورکوو،چې د افغانستان اسلامي امارت د يوه مسئول او ذمه وار ځواک په توګه لکه څرنګه چې نوروته داحق نه ورکوي، چې زموږ هیوادته د ضرر لاس را اوږدکړي، پخپله به هم چاته  دضرر لاس ور ونه غځوی .

بايد ووايو چې مونږ ددښمن د اطلاعاتي رسنيو د غلطو  تبليغاتو  قرباني يو، چې زمونږ او د نړۍ د يو شمير هيوادنو ترمينځ يي  شکونه راپيدا کړي دي؛ موږيې په وچو دروغودتعليم او دښځو دحقوقو مخالفين معرفي کړی يو؛پر موږيې داتور پوري کړی، چی ګوياموږ دنړۍ هيوادونوته ګواښ يو.

اسلامي امارت غواړي چې دمناسبوشرایطوپه اماده کولو سره  دغه ټول اشتباهات رفع اوهغوئ ته مثبت ځواب ووایې.

اسلامي امارت دغرب په اولسونوغږ کوي چی هيڅکله د”اوباما”په هغوخبروچې دافغانستان جګړه دمجبوريت جګړه بولي ونه غوليږي،  دې  جګړې ته غرب هيڅ مجبوريت نلري؛ داجګړه دمرموزو مقاصدولپاره پردروغجنو دلايلوپيل شوې، زيان يې ټول بشريت ته رسيږي چي په نړ يواله سطحه اقتصادی بحران ،بي ثباتي،عدم اعتماداودنړیوالومسلمواصولوترپښولاندې کیدل ټول دهمدې نامعقولوپالیسیونتیجه ده.

لويديځوال ولسونه بايد دناټو دعمومي منشي”راسموسن” اودبرطانيې دصدراعظم په هغو خبرو هم ونه غوليږي چې وايې: “دافغانستان جګړه دغرب ددفاع جګړه د ه

داډول بي اساسه اوتيرايستونکې خبرې بايدستاسي ذهنونه مشوش نکړي، داټولې ددغه ناروا اودټولوبين المللی اصولو خلاف دتپل شوې ناپايه جګړې دتوجيه کولو لپاره ستاسودواکمنانوتيرايستونکې هڅې دي .

دمعاصروبین الدولي  مقرراتو له مخې دنړۍ هیڅ  هیواد دا حق نه لري  چې دبل ګاونډي ملک په داخلي چاروکې   مداخله  وکړي ؛ دسپینې ماڼۍ مغرورچارواکي اودهغوئ انګلیسي ملګری  باید په دې خبره  ښه ځان پوه کړی چي له زرګونه کلومټره لیري  واټن څخه ددوئ مداخله دسیمي هیوادونو ته په هیڅ صورت دمنلو اوزغملووړنه ده. دتروريزم ضدجګړې تر ناروا شعار لاندې چې اوس د استعماري پراختيا غوښتني کرغيړن پلانونه په سيمه کي روان دي، هغه د ټولې نړۍ د بشري ارزښتونو، عدالت ، سولي، د وسايلو د برابر ويش اوخپلواکي په خلاف  عمل دى؛ داسې عمل چې دولس د ارمانونو اصيل نمايندګان په يوه او بل نوم بدناموي.

په دې اړه بايد ټو ل  په تيره بيا اسلامي هيوادونه، زمونږ ګاونډي ځواکمن هيوادونه اود ناپييلي هيوادونو غورځنګ خپل تاريخي رول احساس او ادا کړي.

 له ټول اسلامي امت اوپه خاص ډول دنړۍله ټولواسلامي اوجهادي تنظيمونو څخه مي هيله داده چې ددښمن دسيسوته ويښ واوسي، خپل منځي اختلافاتوته شاکړي اودخپل مظلوم اومحکوم امت د دفاع اوازادۍ دپاره دي ګډه اوهر اړخيزه مبارزه پيل کړي.

په اخيرکې پر ټولومتدينومسلمانانوغږ کوم چې د اختر په دې  خوښيو كې د خپلو كورنيو په څير د شهيدانو كونډې ، يتيمان او بورې  مورګانې هيرې نکړي ځكه  دهغوئ شهيدان هماغه څوك دي چې د اسلامي نظام دراتلو په لاره کې د كفري بلاك  په مقابل كې ځانونه نذرانه كړي دي او دهغوافغان قربانيانو،زړو،ځوانو،تورسرو اوماشونانوغمځپلې کورنۍ هم مه هيروئ چې ديرغلګروپه بريدونواوړندوبمباريوکې په شهادت رسيدلي او نن دا دى ستاسو  په منځ كې نه ليدل كيږي.

په اخیرکې مويوځل بيا اخترمبارک  اوخپلواکي مو په برخه شه

دهيواددخپلواکي اوبشپړاسلامي نظام  دواکمني په هيله اودعا.

والســـــــــــــــــــــــــــــــــــــــــــلام

داسلام خادم امیرالمؤمنین ملامحمدعمرمجاهد

 

طالبانو ته د پرانیستی لیک د ځواب په ځواب کې

دلوی او کامیابونکي لایزال د کایناتو څښتن په  نامه
څه موده وړاند ې مې د بینوا په ویب پاڼه کې د ښاغلي عبدالله لیکنه ولیدله چې د  طالب ورونو څخه یې يو څو پوښتنې کړې وې . لیکنه مې خدای شته په ډېر غور سره ولوستله ، شاید نورو افغانانو ورونو هم لوستې وی. د لیکنې   د ارزښت په اړه خپله زه قضاوت نه کوم . مګر حقیقت راباندې ګران دی که څه هم زما سر پکې قربانیږی .
د عبدالله ورور لیکنې پسې متصل د میوند سادات صیب په نوم یو بل ورور هم ښایسته لیکنه کړې وه او د عبدالله لیک ته یې ځواب ویلی وه.
ورورنو : تر هر څه د مخه زه نه عبدالله پیژنم او نه هم میوندسادات صیب او په دې مو یقین وشه چې نه دحکومت سره کار کوم او نه هم کومې بلې اینجو سره چې بیا به سادات صیب راباند ې تور ولګوی
چې دا هم ډالرو مست کړی دی.
رابه شو خپلو خبروته : د طالب نوم نه مې څومره ښه راځي ځکه چې یو وخت زه هم د قران د  حفظ کولو لپاره بستره په شا طالبۍ پسې له کوره وتی وم.  طالب العلم څومر لوړ مقام لري چې د عالمانو په صف کې راځي او خوږ نبی اکرم صلی الله علیه وسلم فرمایلی چې العلما ورثه الانبیا یعنی عالمان د نبیانو وارثان دي . که حقیقت ته ځیر شو نو همدا ملایان دي چې زمونږ د ژوند دنیایی ډیره برخه سمبالوی. که ملا نه وی نو ز مونږ نکاح به څوک تړي ، که ملا نه وی نو زمونږ د بچیانو په غوږونو کې به څو ک دالله نوم یادکړي ، که ملا نه وی نو څوک به مو جنازې وکړي …………………………….
اما اوس راځو دې ته چې ملایتوب ځانته صفات لري او هرهغه څوک چې د ملایې درجې ته ورسیږی نو هغه ته ملا ویل کیږی نه داچې یو څوک تش په نامه د طالب او ملا دعوه کوی او هغه بیا هم په رښتیا ملا شو .
ساداته وروره قسم دی چې زما نه به د سرو صلیبی لښکرو سره زیاته دښمني نه لري، ساداته وروره زه په دې پوهیږم چې دا کفار صلیبیان او د انسانانو غوښه خوړونکي د څه لپاره زمونږ خاورې ته را غلي . که رښتیا در ته وایم چې ته به لا د کفارو پرضد مبارزې ته  نه وي دانګلي اما زه د خدای فضل دی دا ویاړ لرم. خو حقیقت راباندې ګران دی.
ساداته وروره طالبان هغه څوک دي  چې د وطن ابادي غواړي نه ورانی ، طالبان هغه څوک دي چې د اسلام کامیابی غواړي نه بدنامي، اصلي طالبان هغه څوک دي چې د خپل ملت سر لوړي  او سوکالي غواړي نه د خپل ملت ازار ا خلي……………………………..
خو رابه شم ستا داسلامی امارت په نوم تنظیم ته ، اسلامی نوم څومره ښه نوم دی چې ورباندې یې ا یښی خو افسوس چې په رښتیا هم اسلامی وای. خو خیر د مجبوریته به ورته د اسلامی امارت نو م واخلم.
وروره: د اسلامی امارت دصفاتو څخه به خبر یی او که نه؟ په اسلامی امارت کې امیر دخلکو  له خوانه ټاکل کیږي  او مسلمانان یې د امارت کولو ته هڅوی نه ای اس ای له خوانه؟
ته به ښه خبر یې چې د اسلامی امارت امیر حضرت عثمان رضی الله عنه هم د اسلامی امارت امیر وه د شپې له خو ابه دعربو په کوڅو کې پلي ګرځېده تر څو د غریبانو له احوال څخه ځان خبر کړي. نو هغه وه داسلامی امارت چارواکی .
د اوسني اسلامی امار ت امیر او د ای اس ای د جابرې او ظالمې ادارې سوداګر ملامحمد عمر تراو سه نه  دملت په وړاند ې څرګند شوی او نه یې هم چا څېره لیدلې. یوه ورځ زما یو ملګر ی دطالبانو په وخت کې قندهار ته سفر کړی وه او هلته یې د ملاعمر دتقریر په یوې جلسې کې اشتراک کړی وه . ویل یې کله چې وخت د امیر صیب  تقریر کولو ته و رسید نو د سټیج مخې ته یوه توره لویه پرده وغوړیده او ملاصیب  عمر یې تر شا خلکو ته په پټه تقریروکړ او بیرته دپردې ترشاورک شو چې هیچا هم ونه لید. د ملاصیب ددې لوې کارنامې څخه فکر کوم ډیری وطنوال خبردي.
نو اوس خپله فکر وکړه چې ملاصیب په کوم دلیل خلکوته خپله مبارکه څیره  نه ښکاره کوله.او و لې یې ځان پټولو ؟ عبدالله وروره که ځواب راولېږې نو ښه به وي

ښه اوس راځو د طالبانو صاحبانوحرکاتوته چې کوي یې (. بیا هم یادونه کوم  چې د هغه طالب او عالم څخه  مې ځان قربان دی چې د اسلام او افغانستان لپاره صادق وی نه دای ا س ای لپاره)
ساداته وروره یوڅّولنډې قصې  ستاستود طالبانوپه اړه درته کوم هیله ده چې ویې لولې.
 زه یو وخت د حقوقو پوهنځي محصل وم نو زما سره په پوهنتون کې یو محصل د زراعت د فاکولتې څخه وه چې غالباّ د غزنی ولایت څخه وه . نوموړی محصل د امتحانونو د شروع کیدو څخه مخکې رخصتۍ کې خپل کور ته لاړ ترڅو د امتحانونولپاره اماده ګی ونیسی . کله چې غزنی ته رسیږی نو دغزنی طالبان صاحبان یې د ولسوالۍ په سرک دروی ا و له موټره یې کیباسی ، طالبان صاحبان یې بیک تالاشی کوی ګوري چې ټول بیک د چپټرو(درسی مو ادو) څخه ډک دی . طالبان صاحبان ورڅخه پوښتنه کوی چې څه کار کوې محصل ورته وایی چې د زراعت پوهنځی محصل یم بیا ورته دملاصیب مریدان وایی چې ښه د شیطانی علوموزده کړه کوې  بلاخره طالبان صاحبان ورته دبیک ټولې چپټرې سوځوی او فقط د ا سلامیاتو مضمون ورته پریږدی بیا ورته وایی چې که بیا پوهنتون ته تللی وی نو ښه به درته نه وی. محصل بیچاره د طالبانو اخطار ته په جدي سترګه نه ګوری اوفکر کوی چې هسې طالبان به غصه ول . لنډه دا چې محصل بیچاره بیرته پوهنتون ته راغی او امتحانونه یې شروع سول خو کله یې امتحان ورکړ نو د امتحانونو په نیمایی کې ورته د کورڅخه ټیلیفون وشوچې طالبانو زمونږ کورمحاصره کړی او وایی چې ژر ترژره موږ ته د شیطانی علومو محصل حاضر کړی که نه نو ټول کور به مووسوځو. محصل بیچاره چې خبریږی خپل عذر استادانو ته وړاندې کوی او فاکولته په دریم صنف کې پریږی.
نو اوس ته خپله قضاوت وکړه چې دنیا په څه کې ده او طالبان صاحبان عصری علوموته شیطانی علوم وایی نو ایا دا هم د صلیبیانو سره وه که بله څه خبره وه؟
یوبل دوست مې د وردګو ولایت دسید اباد ولسوالۍ څخه دی قصه کوله چې طالبان وایی موږ ځکه پلونه ورانوو چې دې کې د امریکایانو پیسی لګیدلی دی . نو وه طالبه وروره ته خولږ فکر وکړه چې صلیبیان خوپل ، کلینیک ، مکتب ، سرک له ځانه سره واشنګټن  اولندن ته نه شي وړلای چې ته یې ورانوی . او که داسې وی نو ته هم د امریکایانو په موټَرسایکل ګرځې . د جاپان لوکس کروزیین  کې  ګرځې او د روس وسله استعمالوی نو بیا خو ته هم د صلیبیانو وسایل استعمالوی؟ زه دا نه وایم چې جهاد دې ونه شي . جهادبه کیږی د قیامت تر ورځې پورې . اما طالبه وروره تا خو د وطن ټوله ځمکه په خپلو وطنوالو سره تبۍ ګرځولې نو چیرته ولاړشي ته وایه ؟
ساداته وروره خفه نشې ځکه څه چې لیکم احساسات مې دی نه دبل چا خبرې او په خدای درته قسم خورم چې همداسې ده.
وروره : ته به خبر یې او که نه  چې د دالارام په ولسوالۍ کې تېره هفته د ملکی وګړو  یو مینی بوس موټر په بم والوت او ۲۵ بیګناه ملکی افغانان پکې په شهادت ورسیدل. قصه داسې وه چې طالبانو صاحبانو د صلیبیانو لپاره دسړک غاړې ماین ایښی وه اما کله چې د ملکی افغانانو موټر ورسید نو ماین بیچاره خو  په دې نه پوهیږی چې دا ملکیان دی او که صلیبیان بس پرې چوی. نو انفجاریې وکړاو بییګناه ملکی افغانان یې په شهادت ورسول . نو اوس ته خپله فکر وکړه چې صلیبیان خو زمونږ او ستاسې د وژلو ، ختمولو، لوټولو…. پسې راغلي نو طالبه وروره ته خو بیا افغان  ځانته وایی ، مسلمان ځانته وایی او مجاهد ځانته وایی نو ولې ځای ناځای نه ګورې او ماین ښخوي؟ ساداته وروره که امریکایان او صلیبیان ز مونږبیګناه وطنوال شهیدانوی ګیله مو ورڅخه نشته ځکه چې هغوی د ا سلام دښمنان دی او هیڅکله د مسلمانانو دستان کیدای نشی نو ته ولې دهغوی سره سیالی کوی؟ په دې هم ښه پوهیږی چې د یو مسلمان وینه تویول د ټول امت مسلمه وینه تویول د ی چې په ایات شریف کې هم روښانه شوې. نو په دې حساب که امریکایان بیګناه افغانان وژنی اوکه تاسو طالبان صاحبان یې وژني د قیامت په ورځ به په یو صف کې ولاړ یاستی ځکه چې فعل مویودی.
ساداته وروره په جنوب کې داسې ډېرې قصې شته چې دملکی وګړیو موټر په شخښ سوی ماین وربرابر سوی او ملکیان یې شهیدان کړی. حتی په داسې سیموکې هلته د طالبانو پوره۱۰۰٪ حاکمیت دی او هیڅ صلیبی او اجیر هلته نشی تللی.
نو سادات صیب لږفکر وکړه چې طالبان چا راوستل ، چاوجنګول ، د چا داهدافو لپاره وجنګیدل .. …..ا وجنګیږی؟؟؟؟؟؟؟؟؟؟؟؟؟؟
بینظرې مردارې د فرانسې لوموند ورځپاڼې ته خپله ویلی وه چې د طالبانو اداره برتانیه کوله، رهبری یې مونږ کاوه ، امریکا او سعودی عربستان یې مالی ملاتړ کاوه او زمونږ د اهدافو لپاره جنګیږی.
بله دا چې په اوس وخت کې د طالبانو حرکات اوسکناتو ته وګوره چې څه کوي. خو دې ته نه ګوري چې راځه د بلې طریقې څخه استفاده وکړه او هغه د علم له لا رې همدا صلیبیبان د هیواد نه ایستلو ته مجبور کړه.
طالبان انګلیسی ژبه کافره بولی ا و زده کونکی یې په مرګ تهدیدوی . ستاسو به ښه په یاد وی چې دزابل ولایت په شار قلات کې یو د انګلیسی ژبې استاد طالبانو صاحبانو له کوره را ویست او د اتو بچیانو ترمخه یې حلال کړ چې ولې د انګلیسی ژبې تدریس کو نو داهم جهاد سو؟
که د هیواد شرقی سیمو څخه یو څوک د هیواد جنوبی سیموته لاړشی نو طالبان یې په وژلو هیڅ صرفه نه کوی که نورهیڅ اسناد یې پيدا نه کړل نو د جاسوسۍ ټاپه خو یې هسې هم مفته اخیستی .
په روانه جګړه کې ساداته وروره لږ فکر وکړه چاته زیات زیان رسیږی . اول اسلام دهمدې طالبانو ناوړه اعمالو په ترسره کولو سره نړ ۍ ته د تروریزم په توګه معرفی سو او مسلمانان یې د همدې طالبانو په واسطه تروریستان معرفی کړل.
لکه مخکې چې ما ویلی چې برتانیی او امریکی د طالبانو  په راوستلوکې د بینظرې سره په ګډه کار کړی وه خو هدف یې همدا وه چې د طالبانو مشران خپل خلک وټاکی او نورستا غوندې افغانا ن چې په اسلام ا وو طن  مین وه د دوستم او مالک غوندې وحشیانو ته په لاس ورکړي تر څو د لیلې دشتې په څیر یې  لکه د مرغیو په څیر په قتل ورسوی.
امریکا او صلییبانو غوښتل چې د پاکستان د سیکولر دولت په واسطه  دطالبانو په نو م یو تحریک جوړکړی ، چون افغانان او باالخصوص پښتانه همیشه د اسلام په سر له خپله سره تېر شوي نو دوی غوښتل چې احساساتی ، پر اسلام مین پښتانه دطالبانو صاحبانو سره یو ځای کړي او د شمال  په سپیانو او وحشیانو باندې یې وخوري ترڅو په نړۍ کې احساساتی مسلمانان نابود شی ، د اسلام دین تروریست او مسلمانان تروریستان معرفي شي چې همداسې وشول.
سادات صیب په دې هم ښه پوهیږی چې د طالبانو د وخت زیاتر والیان ، وزیران او نو رمشران  د پیښور په حیات ا باد او اسلام ابادکې د خپل پلار (ای اس ای) سره ښې شپې سبا کوی . خو کله چې د ای اس ای خوښه شيٍ او پوه شي چې  د کوم طالب مشر نه نور څّه نه کیږي نو بس په امریکا او نورو یې لکه د ملابرادر اخوند غوندې په لوړه بیه پلوري…………….
سادات جانه :  ته د هیواد جنوبی سیمه د هیواد دشمالی سیمې سره چې د طالبانو حضور  په کې کم دی پرتله کړه بیا فکر وکړه چې هغوی د خپل اولاد د اینده لپاره څومره کوښښ کو ي حال دا
چې طالبان په جنوب کې عصری علومو ته شیطانی علوم وایی. ډیر نه لس کاله وروسته چې د هزاره ګانو ، تاجکو اونورور بچیان په علومو سمبال لوی شی او د هیواد د جنوبی او پښتنی سیمو ماشومان ببر سر او څیرلی ګریوان لوی شی نو بیا به درته پته ولګیږی چې دسېره څوپخيږی.
د هلمند ، ارزګان او کندهار ولایتونو څخه د کانکور ازموینې له لارې ۵۶ تنو ګډون کړی وه چې له دې جملې څخه یې ۱۲ تنه بریالی شول اما دبرخشان ولایت څخه صرف یوازې ۲۲۳۴ تنه د هیواد  مختلفو پوهنتونو ته بریالی شول چې دا شرم زما او ستا لپاره کافي دی. دا ځکه چې هغوی د طالبانو د اعمالو څخه محروم دی اما زه چې علم کوم بیاطالب کاکا مې دشیطانی علومو او جاسوسۍ علومو په نامه له مکتبه او ددرس نعمت څخه محروموی.

په پای کې ببا هم له ښاغلي سادات ورور څخه هیله کوم چې خیر لږ حقیقت ته ځیر شه او لږشانې وړاندې وګوره چې طالبان څوک دی چا راوستل او څوک یې حمایه کوې ( دا خو به دې هم اوریدلي وی چې په هلمند ولایت کې د انګریزی صلیبانو هیلی کاپټرې د طالبانو مورچلو ته ورغلې او طالبانوته یې مرسته ورکړه) نو خپله فکر وکړه چې ددې لوبې تر شا ډیر لوی لاسونه دی اما قرباني یې پښتون مسلمان دی بل هیڅوک نه  خو چې ما اوتا خپل ځانونه وپيژنو نو هیڅکله به مو نه امریکایی صلیبیان او نه هم برتانوی صلیبیبان د خپلو مسلمانو ورورنو پرضد استعمال کړي او دوی به شرمیدلي مخ توري انشالله له دې خاورې څخه خپلې پښې سپکوي………………

                                                فااعتبرو یااولی الابصار

په هلمند کې د آی ډبليو پي آر تر روزنې لاندې خبريالانو ليکنه

 

عبدالجليل لا اوس هم خپه دی، چې له لښکرګاه څخه خپلې ولسوالۍ، خانشين ته په لار کې د طالبانو له ناوړه او خراب چال چلند سره مخامخ شوی و.

 “زه ښا رته د کاروبار لپاره راغلی وم. د بېرته تګ پر مهال په لار کې طالبانو ودرولم. هغوی ولټولم او په جاسوسۍ يې تورن کړم. بيا يې خپل مرکز ته بوتلم. له ما څخه يې زياتې پوښتنې وکړې او راته يې وويل، چې حکومت ته جاسوسي کوم. هغوی راته ګواښ وکړ، چې که بيا د لښکرګاه پر لوري راشم نو وبه مې وژني.”

دا ځوان وايي نوموړي طالبان افغانان نه، بلکې بهرنيان وو او په هغه مرکز کې هم ټول هغه بهرنيان وو، چې هغه يې ورته د څېړنو لپاره بېولى و.

هغه وويل: “هغوی زياتره پنجابيان وو. پاتې نور د نورو هېوادونو وو. که هغوی افغانان وای، نو دومره به خپه شوی نه ای. اوس بهرنيان له موږ سره لوبې کوي.”
 

 هغه وويل د ياغيانو په مرکز کې يوه پلا له نېکه مرغه هغه يو ځايي طالب وليد، چې د مخه يې ورسره پېژندل او هغه ورسره په خوشې کېدو کې مرسته وکړه.

 د بهرنيانو شتون په جګړه ځپلي ولايت هلمند کې يوه چاودېدونکې موضوع ده، چې پرله پسې په کې د ياغيانو او نړيوالو پوځونو تر منځ سختې جګړې روانې وي، کله ناکله هره ورځ يو ځانمرګى بريد ترسره کېږي. زياتره اوسېدونکي وايي ناامني د هغوی ستره ستونزه ده.

 په هلمند کې خلک د امنيت د خرابوالی پړه يوازې پر افغان طالبانو نه اچوي، بلکې پر هغو طالبانو يې اچوي چې په پاکستان کې روزل کېږي او له پولې دېخوا ته رااوړي.

 په پاکستاني ښارونو، لکه کوټې او پېښور کې، ديني مدرسې او د روزنې مرکزونه ځانمرګي بريد کوونکي او جهادي جنګيالي روزي او هغوی بيا افغانستان ته رالېږي او د بدمرغيو لامل کېږي.

 دې موضوع د افغانستان اړيکې له ګاونډي پاکستان سره خړې پړې کړې دي. ولسمشر حامد کرزی او پروېزمشرف په برالا پر يو بل باندې تورونه لګولي دي. افغان ولسمشر خپل پاکستاني سيال تورن کړی، چې د بنسټپالو مخه نه شي نيولای او مشرف بيا په خپل وار په کرزي باندې په خپل هېواد کې په پېښو باندې د ناخبرۍ پړه اچولې ده.

 ايران هم په دې وروستيو کې طالبانو ته د وسلو د چمتو کولو له امله تر نيوکو لاندې راغلی دی. د هلمند اوسېدونکي وايي چې اوس د ايران د بلوچستان د سيستان له جنوب ختيځ ولايت څخه جنګيالي افغانستان ته رااوړي او هلمند ولايت ته راځي.

 بلوڅان د ايران د ډېرکيو شعيه ګانو برعکس سني مسلمانان دي.

افغانان په دې باور دي، چې تهران په لاسي ډول جنګيالي افغانستان ته رااستوي. څنګه چې د ايران د هستوي دستګاه په وړاندې ناندرۍ روانې دي، ايران غواړي نړيوال پوځونه دلته بوخت وساتي ترڅو ونه شي کړای پر ايران باندې بريد وکړي.

د هلمند اوسېدونکي وايي په هغو ولسواليو کې چې د طالبانو په لا س کې دي، د افغاني طالبانو په پرتله بهرني طالبان برلاسي دي.

 له پاکستان سره پر پوله د ګرمسېر او دېشو پرتې ولسوالۍ او همدارنګه خانشين اوس د بهرنيو طالبانو له خوا چلېږي او د زياترو خلکو په وينا شمېره يې له کورنيو طالبانو وراوړي.

په دې سيمو کې اوسېدونکي خلک ادعا کوي، چې دغه بهرني طالبان ورسره ډېر ناوړه چال چلند کوي. په هغوی کې پاکستانيان، چيچينيان، ازبکان او بلوڅان شامل دي.
  
هغه اوسېدونکي چې د افغان حکومت تر لاس لاندې سيمو ته تګ راتګ کوي وايي، چې کورونو ته د بېرته ستنېدو پر مهال له زياتو ستونزو سره لاس او ګرېوان کېږي. بهرني طالبان هغوی دروي او حکومت ته په جاسوسۍ يې تورنوي. يو زيات شمېر ادعا کوي، چې د ورځو ورځو لپاره په بند کې ساتل کېږي، ترڅو خپل خپلوان يې راشي او د پيسو په بدل کې يې خوشې کړي.

 د خانشين اوسېدونکي، ٢٣ کلن رحمت الله وويل: “ټول واک د بهرنيو طالبانو په لاس کې دی. هغوی څنګه چې زړه يې وغواړي د دې ولسوالۍ پر اوسېدونکو باندې ظلم او تېری کوي.”

 هغه وويل: “په خانشين کې يو لږ شمېر افغان طالبان شته. زياتره يې پنجابيان يا بلوڅان دي. له ځايي خلکو سره ډېر ناوړه سلوک کوي. که څوک لښکرګاه ته ځي، نو له راتګ څخه وروسته يې نيسي. خپل مرکز ته يې بيايي، د جاسوسۍ تور پرې لګوي او بيا يې وهي ډبوي. جريمه کوي يې، پيسې ترې اخلي او بيا يې خوشې کوي.”

زيات خلک له دې خطر سره مخامخ دي او له دې امله نه غواړي له بهرنيو طالبانو سره مخامخ شي.

رحمت الله وويل: “زما ورور له شپږو مياشتو راهيسې په کور کې اوسېږي. هغه له کوره بهر نه وځي. که لاړ شي، نو خدای پوهېږي، چې څه چل به ورباندې وشي.”

 د طالبانو يو قوماندان، چې د نوم د نه ښوولو په شرط يې خبرې کولې، په سيمه کې د بهرنيو طالبانو د شتون پخلی وکړ.

هغه وويل: “هغوی د جهاد د سپېڅلې هدف لپاره دلته راغلي. هغوی له شريعت سره سم جګړه کوي. هېڅ بهرنی طالب د قوماندان په توګه نه ټاکل کېږي.” نوموړي قوماندان د يو لړ ناوړه چال چلند خبره ومنله. هغه وويل: “داسې خبرې پېښېدای شي، په تېره بيا په دېشو او خانشين ولسواليو کې چې له پاکستان سره پر ګډې پولې پرتې دي. خلک بايد موږ ته ووايي، ترڅو له دغه ظلم او تېري سره مقابله وکړو. موږ چا ته اجازه نه ورکوو، چې ظلم او وحشت وکړي. موږ يو سيسټم لرو او که څوک ناوړه چال چلند وکړي، نو پوښتنې ګروېږنې ورڅخه کوو.”

خو په عمل کې دا سيسټم نه پلی کېږي او کار نه کوي.

د دېشو د ولسوالۍ يو اوسېدونکي، ٣٥ کلن ماموخان وويل: “افغاني طالبان له موږ سره ښه چال چلند کوي. خو پنجابيان او بلوڅان خراب خلک دي. هغوی له موږ څخه پيسې اخلي، وهي ډبوي مو او په خپلو بنديخانو کې مو اچوي.”

هغه وويل، له دې امله د ېشو ولسوالي تر يوې کچې پورې عادي ژوند نه لري. ماموخان وويل: “کله چې د کاروبار خاوندان، سوداګر او نور خلک دلته راشي او موږ ته د خدمت خبرې وکړي دا بهرني طالبان يې نيسي او د ناتو او يا افغان حکومت ته په جاسوسۍ يې تورنوي او د مرګ له سزا سره يې مخامخوي.”

 د طالبانو تر واکمنۍ لاندې سيمو کې له محاکمې پرته د اعدامونو بېلګې هم موجودې دي. په دې کې د کابل اوسېدونکی، ترجمان، اجمل نقشبندي سر له تنې جلا شوی و، چې په اپرېل مياشت کې په نادعلي کې نيول شوی و او د ګريشک په ولسوالۍ کې يو پنځلس کلن هلک غرغره شوی و. له موسی کلا، سنګين، ګريشک او نورو ولسواليو څخه د خلکو په وړاندې د غرغره کولو رپوټونه هم رسېدلي دي. خو امنيتي ستونزې او ليرې ځايونو ته د نه رسېدا ستونزې ددې رپوټونو پخلی ګرانوي.

د ماموخان د وينا له مخې د ظالمانه چال چلند په وړاندې بهرني جنګيالي مسوول دي.

 

هغه وايي: “زموږ په ولسوالۍ کې د ګوتو په شمېرافغاني طالبان دي. زه له هغوی سره هر راز مرسته کوم، ځکه که څه پېښ شي، هغوی بيا هم افغانان دي.”
 
بهرنيان زياتره د هلمند په سهيلي سيمو کې شتون لري، خو داسې جنګيالي هم شته چې نورو ولسواليو ته لار پيدا کوي.
 

 د هلمند ولايت شمال ته د موسی کلا ولسوالي د فبرورۍ د مياشتې راهيسې د طالبانو تر سپين بيرغ لاندې وه او څو مياشتې کېږي له جنګ جګړو او جنايتونو څخه بېغمه ده، هغه چې د دغه ولايت نورې پاتې سيمې ورسره زياتې مخامخ دي. د اوړي په بهير کې زيات شمېر اوسېدونکو د طالبانو له ادارې څخه خوښي څرګندوله او ويل يې هغه امنيت چې هغوی راورستی و، د هغوی له خوا له لګول شويو محدوديتونو څخه خورا زيات ارزښت لري.

د ځايي استوګنو د وينا له مخې د موسی کلا په څېر شمال ته پرتو ولسواليو ته بهرنيو طالبانو مخ په زياتېدونکي توګه لاره موندلې وه.

په هلمند کې د ملي اردو مشر قوماندان، تورن جنرال غلام محى الدين غوري اسوشيټېد پريس خبري اژانس ته ويلي وو چې په موسی کلا کې بهرني جنګيالي شته او ښايي د ځايي قومي مشرانو او حکومت تر منځ د سولې په خبرو اترو کې خنډونه رامنځته کړي.

هغه له اسوشٍيټيډ پريس سره په يوې مرکې کې ويلي و:

 ”موږ له طالبانو څخه د موسی کلا د نيولو لپاره له قومي مشرانو سره خبرې اترې پيل کړي. قومي مشران هم د دې لبانو په اړه اندېښنمن دي، ځکه بهرني جنګيالي لکه عربان، چيچنيايان، بلوڅان او ازبکان هلته په موسی کلا کې موجود دي.

%d bloggers like this: